ഓസ്‌ട്രേലിയയ്‌ക്കെതിരായ നാലാം ക്രിക്കറ്റ് ടെസ്റ്റില്‍ ഇന്ത്യ മികച്ച സ്‌കോറിലേക്ക്. ലോകേഷ് രാഹുലിന്റെ കന്നി സെഞ്ചുറിയുടേയും അര്‍ധസെഞ്ചുറി നേടിയ രോഹിത് ശര്‍മയുടെയും വിരാട് കോഹ്‌ലിയുടെയും മികവിലാണ് ഇന്ത്യ മുന്നേറ്റം തുടരുന്നത്.

ഒരു വിക്കറ്റിന് 71 റണ്‍സ് എന്ന നിലയിലാണ് ഇന്ത്യ മൂന്നാം ദിനം ബാറ്റിംഗ് പുനരാരംഭിച്ചത്. ഒടുവില്‍ വിവരം ലഭിക്കുമ്പോള്‍ രണ്ട് വിക്കറ്റിന് 234 എന്ന നിലയിലാണ്. 53 റണ്‍സെടുത്ത രോഹിത് ശര്‍മയാണ് പുറത്തായത്. 106 റണ്‍സെടുത്ത രാഹുലിനൊപ്പം 67 റണ്‍സോടെ ക്യാപ്റ്റന്‍ വിരാട് കോഹ്‌ലിയാണ് ക്രീസിലുള്ളത്. നേരത്തേ ഏഴ് വിക്കറ്റ് നഷ്ടത്തില്‍ 572 റണ്‍സെടുത്ത് ഓസ്‌ട്രേലിയ ഒന്നാം ഇന്നിംഗ്‌സ് ഡിക്ലയര്‍ ചെയ്തിരുന്നു.

ബോക്‌സിങ് ഡേ ടെസ്റ്റില്‍ അരങ്ങേറ്റം കുറിച്ച കര്‍ണാടക ബാറ്റ്‌സ്മാനായ രാഹുലിന്റെ ആ ടെസ്റ്റിലെ ആകെ സമ്പാദ്യം നാലു റണ്‍സ് മാത്രമായിരുന്നു. ആദ്യ ഇന്നിങ്‌സില്‍ മൂന്നു റണ്‍സുമായി നഥാന്‍ ലിയോണിന് വിക്കറ്റ് നല്‍ിയ രാഹുല്‍ നിര്‍ണായകമായ രണ്ടാം ഇന്നിങ്‌സില്‍ ഒറ്റ റണ്‍സ് മാത്രമെടുത്ത്  ബോളര്‍ മിച്ചല്‍ ജോണ്‍സണ്‍-ന്റെ പേസിന് കീഴടങ്ങുകയായിരുന്നു.

ഏതായാലും അടുത്ത ടെസ്റ്റില്‍ ഒരവസരം കൂടി നല്‍കിയ ക്യാപ്റ്റന്‍ വിരാട് കോഹ്‌ലി തന്നിലര്‍പ്പിച്ച വിശ്വാസം രാഹുല്‍ കാത്തു. സെഞ്ചുറി തികച്ചപ്പോള്‍ കുടെയുണ്ടായിരുന്നത് ക്യാപ്റ്റന്‍ കോഹ്‌ലിയായിരുന്നു എന്നത് യാദൃച്ഛികതയായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha