സെയ്ദ് മുഷ്താഖ് ട്രോഫി ട്വന്റി-20 ക്രിക്കറ്റ് ടൂര്‍ണമെന്റില്‍ രണ്ടാം തവണയും ചാമ്ബ്യന്മാരായി തമിഴ്നാട്. ഇന്നലെ നടന്ന ഫൈനലില്‍ ഏഴുവിക്കറ്റിനാണ് ദിനേഷ് കാര്‍ത്തിക് നയിച്ച തമിഴ്നാട് ബറോഡയെ തോല്‍പ്പിച്ചത്. ടോസ് നഷ്ടപ്പെട്ട് ബാറ്റിംഗിനിറങ്ങിയ ബറോഡയുടെ ഇന്നിംഗ്സ് 120/9ല്‍ അവസാനിച്ചു.മറുപടിക്കിറങ്ങിയ തമിഴ്നാട് രണ്ടോവര്‍ ബാക്കിനില്‍ക്കെ മൂന്ന് വിക്കറ്റുകള്‍ നഷ്ടപ്പെടുത്തി ലക്ഷ്യം കണ്ടു.

36 റണ്‍സെടുക്കുന്നതിനിടെ ആറ് വിക്കറ്റുകളാണ് ബറോഡയ്ക്ക് നഷ്ടമായത്. നാലോവറില്‍ 20 റണ്‍സ് വഴങ്ങി നാലു വിക്കറ്റ് വീഴ്ത്തിയ ഇടംകയ്യന്‍ സ്പിന്നര്‍ മണിമാരന്‍ സിദ്ധാര്‍ത്ഥാണ് ബറോഡയെ തകര്‍ത്തുകളഞ്ഞത്.49 റണ്‍സെടുത്ത വിഷ്ണു സോളങ്കിയും 29 റണ്‍സടിച്ച അതിത് ഷേത്തുമാണ് ബറോഡയെ 100 കടത്തിയത്.

മറുപടിക്കിറങ്ങിയ തമിഴ്നാടിനായി ഹരി നിശാന്ത്(35),ബാബാ അപരാജിത്ത് (29*),ദിനേഷ് കാര്‍ത്തിക് (22) എന്നിവര്‍ മികച്ച പ്രകടനം കാഴ്ചവച്ചു. മണിമാരന്‍ സിദ്ധാര്‍ത്ഥാണ് മാന്‍ ഒഫ് ദമാച്ച്‌