ഈ മാസം രണ്ടാം തവണയും ആന്‍ജിയോപ്ളാസ്റ്റിക്ക് വിധേയനായിരുന്ന മുന്‍ ഇന്ത്യന്‍ ക്രിക്കറ്റ് ടീം ക്യാപ്ടനും ബി.സി.സി.ഐ പ്രസിഡന്റുമായ സൗരവ് ഗാംഗുലി ആശുപത്രി വിട്ടു. ജനുവരി ആദ്യവാരമാണ് ഗാംഗുലിയെ ആദ്യം നെഞ്ചുവേദനയെത്തുടര്‍ന്ന് ആശുപത്രിയിലാക്കിയത്. അന്ന് ഹൃദയധമനിയിലെ തടസം നീക്കാന്‍ ഒരു സ്റ്റെന്റ് സ്ഥാപിച്ചിരുന്നു. തുടര്‍ന്ന് വീട്ടില്‍ വിശ്രമിക്കുകയായിരുന്ന ഗാംഗുലിയെ കഴിഞ്ഞയാഴ്ചയാണ് ശാരീരിക അസ്വസ്ഥതകളെത്തുടര്‍ന്ന് വീണ്ടും ആശുപത്രിയിലാക്കിയത്. തുടര്‍ന്ന് രണ്ട് സ്റ്റെന്റുകള്‍ കൂടി സ്ഥാപിക്കേണ്ടിവന്നു.