സ്ത്രീകളായാലും പുരുഷന്മാർ ആയാലും സൗന്ദര്യത്തിൽ ശ്രദ്ധിക്കുന്നവർ ആണെങ്കിൽ ബ്യൂട്ടിപാർലറിൽ പോകുന്നതിൽ ശ്രദ്ധിക്കും. ഇനി വിവാഹമൊക്കെയാണെങ്കിൽ ആരാണെങ്കിലും സൗന്ദര്യം കൂട്ടാനായി ബ്യൂട്ടിപാർലറിൽ പോകും. വിവാഹത്തിന് ദിവസങ്ങൾക്ക് മുമ്പ് തന്നെ ബ്യൂട്ടിപാർലറിൽ പോയി ഫേഷ്യൽ ചെയ്യുന്നതൊക്കെ സാധാരണമാണ്. ഫേഷ്യലിന്റെ ഗുണം ലഭിക്കണമെങ്കിൽ ദിവസങ്ങൾക്ക് മുമ്പ് ഫേഷ്യൽ ചെയ്യണം. അങ്ങനെ ബ്യൂട്ടിപാർലറിൽ പോയ യുവതി ഇപ്പോൾ ആശുപത്രിയിലാണ്. കേൾക്കുമ്പോൾ തമാശയായി തോന്നുമെങ്കിലും യുവതിയുടെ നില കുറച്ച് ഗുരുതരമാണ്.

വധുവിന്റെ മുഖം ആകെ വികൃതമായിരിക്കുകയാണ്. കർണാടകയിലെ ഹസന്‍ ജില്ലയിലാണ് സംഭവം. വിവാഹത്തിന് ഒരുങ്ങി നില്‍ക്കാന്‍ തന്റെ പ്രദേശത്തെ ബ്യൂട്ടിപാര്‍ലറില്‍ പോയി മടങ്ങിയെത്തിയ യുവതിയുടെ മുഖം കറുത്ത് വീര്‍ത്ത് വികൃതമാവുകയായിരുന്നു. പുതിയ ഏതോ മേക്ക്അപ് പരീക്ഷിച്ചതാണ് വധുവിന് വിനയായത്. യുവതിയെ ആശുപത്രിയില്‍ പ്രവേശിപ്പിച്ച് ചികിത്സ ആരംഭിച്ച വിവരം പ്രതിശ്രുതവരനെയും കുടുംബത്തെയും യുവതിയുടെ ബന്ധുക്കളും അറിയിച്ചു. തന്റെ വധുവാകാന്‍ പോകുന്ന യുവതിയുടെ ഇപ്പോഴത്തെ അവസ്ഥയറിഞ്ഞ് സഹപാതമൊന്നുമല്ല യുവാവിന് തോന്നിയത്, വിവാഹം തന്നെ വേണ്ടെന്ന് വയ്ക്കാനാണ്.

ബ്യൂട്ടീഷന്‍ തന്റെ സ്ഥാപനത്തില്‍ എത്തിയ യുവതിയുടെ മുഖത്ത് പുതിയ തരം ഫൗണ്ടേഷന്‍ ഇട്ടശേഷം ആവികൊള്ളിച്ചു. ഇതോടെ മുഖം പൊള്ളി വീര്‍ക്കാന്‍ തുടങ്ങി. പിന്നെ തൊലിയുടെ നിറം മാറി കറുപ്പായി. യുവതിയും ബന്ധുക്കളും ബ്യൂട്ടീഷനെതിരെ പൊലീസില്‍ പരാതി നല്‍കി.

അവരെ കസ്റ്റഡിയിലെടുത്ത് സംഭവത്തെക്കുറിച്ച് അന്വേഷിക്കുകയാണ് പൊലീസ്. തീവ്രപരിചരണ വിഭാഗത്തിലാണ് ഇപ്പോൾ യുവതിയുള്ളത്. പിന്നാലെ ബ്യൂട്ടിഷനെ ചോദ്യം ചെയ്യാനായി കസ്റ്റഡിയിൽ എടുത്തു. വിവാഹത്തിന് പത്ത് ദിവസം മുമ്പാണ് ഇവർ മേക്കപ്പ് ചെയ്യാൻ പോയത്. പട്ടണത്തിലെ ഗംഗാശ്രീ ഹർബൽ ബ്യൂട്ടി പാർലർ ആന്റ് സ്പായിൽ ആണ് വധുപോയത്.

എന്നാൽ ഇവിടെ നിന്ന് മേക്കപ്പ് ചെയ്ത വധുവിന്റെ മുഖം വീർത്തതും വിരൂപവും വികൃതവുമായി മാറുകയായിരുന്നു. പുതിയ മേക്കപ്പ് പരീക്ഷിച്ചതായാണ് ബ്യൂട്ടിഷൻ പറയുന്നത്. ഈ മേക്കപ്പ് ഇട്ടതോടെ വധുവിന് അലർജി ഉണ്ടായി മുഖം വീർക്കാൻ‌ തുടങ്ങി. യുവതിയുടെ അവസ്ഥ ഗുരുതരമാണെന്നാണ് പറയുന്നത്.

മുഖം ആകെ വല്ലാത്ത അവസ്ഥയിലാണുള്ളത്. ബ്യൂട്ടിപാർലറിലെത്തിയ യുവതിയുടെ മുഖത്ത് ഫൗണ്ടേഷനിട്ട ശേഷം ബ്യൂട്ടീഷ്യൻ ആവികൊള്ളിച്ചതായും ഇതോടെ മുഖം പൊള്ളുകയും നീര് വെക്കുകയുമായിരുന്നുവെന്നുമാണ് വിവരം. പിന്നാലെ മുഖം കറുത്ത നിറമാവുകയും ചെയ്തു. കുടുംബത്തിന്റെ പരാതിയിൽ ബ്യൂട്ടീഷനെ കസ്റ്റഡിയിൽ എടുത്ത് ചോദ്യം ചെയ്യാൻ തുടങ്ങിയിട്ടുണ്ട്. അന്വേഷണം പുരോഗമിക്കുകയാണെന്നും പൊലീസ് അറിയിച്ചു.