അമ്മയായതിന് ശേഷം അഭിനയത്തിൽ നിന്ന് വിട്ട് നിന്ന താരം ഒരു നീണ്ട ഇടവേളയ്ക്ക് ശേഷം വീണ്ടും സിനിമയിലേക്ക് തിരിച്ച് വരുകയാണ്. എന്നാൽ കരീനയുടെ തിരിച്ച് വരവിനെ വിമർശിച്ചും ട്രോളിയും നിരവധി കമന്റുകളാണ് സമൂഹമാധ്യമങ്ങളിൽ ഉയരുന്നത്...അമ്മയായതിന്റെ പേരിൽ താരം നേരിടേണ്ടിവന്ന പരിഹാസങ്ങളാണ് ഇവിടെ ചർച്ചയാകുന്നത്
ബോളിവുഡിലെ ഫാഷൻ ഐക്കൺ ആരാണെന്നു ചോദിച്ചയാൾ ഒറ്റവാക്കിൽ ആരും കരീന കപൂർ എന്ന് പറയും . വിവാഹം കഴിഞ്ഞു അമ്മയായിട്ടും ഗ്ലാമറിന് ഒരു കുറവും വന്നിട്ടില്ല.
ബോളിവുഡിലെ മിക്ക താരങ്ങളോടൊപ്പവും കരീന ക്യാമറയ്ക്ക് മുന്നിൽ പ്രത്യക്ഷപ്പെട്ടുണ്ട്. ശക്തരായ നിരവധി സ്ത്രീ കഥാപാത്രങ്ങളാണ് കരീന ജീവൻ നൽകിയിട്ടുള്ളത്. ഇങ്ങനെയൊക്കെ ആണെങ്കിലും ബോളിവുഡിൽ കഴിഞ്ഞ കുറെ വർഷങ്ങളായി നിലനിൽക്കുന്ന ഒരു ട്രെന്റാണ് വിവാഹ ശേഷം നടിമാർക്ക് ഗ്ലാമറസ് വേഷങ്ങൾ ലഭിക്കാറില്ല എന്നത് .
ഒരു കുട്ടിയായി കഴിഞ്ഞാൽ പിന്നെ പറയാനുമില്ല, വോറൊരു ക്യാറ്റഗറിയിലേയ്ക്കാകും പിന്നീട് ഇവരുടെ സ്ഥാനം. കിട്ടുന്നതെല്ലാം 'അമ്മ വേഷമോ അല്ലെങ്കിൽ ഒട്ടും ഗ്ലാമറില്ലാത്ത വേഷങ്ങളോ ആകും
അമ്മയായതിന് ശേഷം അഭിനയത്തിൽ നിന്ന് വിട്ട് നിന്ന താരം ഒരു നീണ്ട ഇടവേളയ്ക്ക് ശേഷം വീണ്ടും സിനിമയിലേക്ക് തിരിച്ച് വരുകയാണ്. എന്നാൽ കരീനയുടെ തിരിച്ച് വരവിനെ വിമർശിച്ചും ട്രോളിയും നിരവധി കമന്റുകളാണ് സമൂഹമാധ്യമങ്ങളിൽ ഉയരുന്നത്.
അത്തരത്തിൽ കരീന കപൂറിന് കേൾക്കേണ്ടി വന്ന വിമർശനത്തെ കുറിച്ചാണ് സോഷ്യൽ മീഡിയയിലും ബോളിവുഡ് കോളങ്ങളും ഇപ്പോൾ ചർച്ച ചെയ്യുന്നത് .38ാം വയസ്സിലായിരുന്നു നടൻ സെയ്ഫ് അലിഖാനുമായുളള കരീനയുടെ വിവാഹം. തുടർന്ന് ഇവർക്ക് തൈമൂർ എന്ന ആൺകുഞ്ഞ് പിറക്കുകയും ചെയ്തു. പ്രസവത്തിനു ശേഷം ഒരു നീണ്ട് ഇടവേളയ്ക്ക് ശേഷമാണ് കരീന സിനിമയിലും ടിവി ഷോയിലും സ്റ്റേജ് ഷോയിവുമൊക്കെ പ്രത്യക്ഷപ്പെടാൻ തുടങ്ങിയത്.
സൽമാൻ ഖാന്റെ സഹോദരൻ അര്‍ബാസ് ഖാന്‍ അവതാരകനായെത്തുന്ന ഷോയിലാണ് താരത്തിനെതിരെ ഉയർന്ന വിമർശനങ്ങളും ട്രോളുകളും ചർച്ചയായത്. പരിപാടിയിൽ അതിഥിയായി എത്തിയതായിരുന്നു താരം. താരങ്ങൾ നേരിടുന്ന വിമർശനങ്ങളാണ് ഷോയിൽ ചർച്ച ചെയ്യുന്നത്.
പരിപാടിക്കിടയില്‍ താരത്തിനെതിരെ സമൂഹമാധ്യമങ്ങളില്‍ ഉയര്‍ന്ന വിമര്‍ശനങ്ങള്‍ അര്‍ബാസ് ഖാന്‍ ഉന്നയിക്കുകയായിരുന്നു. ഷോയ്ക്കിടെ പ്രായത്തിന്റെ പേരിലാണ് താരത്തിനെതിരെ വിമർശനം ഉയർന്നത്. 'നിങ്ങളൊരു ആന്റിയാണ്, കൗമാരക്കാരിയെപോലെ പെരുമാറരുത്' എന്നായിരുന്നു കരീനയെക്കുറിച്ച് ഒരു വ്യക്തി എഴുതിയ കമന്റ്. കരീന തന്നെയാണ് കമൻ്റ് വായിച്ചത്.ഇത് വായിച്ച് ആദ്യം ചിരിച്ചുവെങ്കിലും പിന്നീട് താരം വികാരഭരിതയാവുകയായിരുന്നു
'ആളുകൾ ചിന്തിക്കുന്നത് സെലിബ്രിറ്റികൾക്ക് വികാരങ്ങളൊന്നും ഇല്ലായെന്നാണ്. സെലിബ്രിറ്റികളുടെ വികാരങ്ങളെപറ്റി ആളുകൾക്ക് ചിന്തയില്ല. നടന്‍മാര്‍ക്കും നടിമാര്‍ക്കും ഒരു വികാരവും ഇല്ലെന്ന രീതിയിലാണ് ആളുകള്‍ പെരുമാറുന്നത്. ആര് എന്ത് പറഞ്ഞാലും ഞങ്ങള്‍ അതെല്ലാം സ്വീകരിക്കണം എന്നാണ് ആളുകളുടെ നിലപാട് ,' കരീന പ്രതികരിച്ചു.
സമൂഹ മാധ്യമങ്ങളിലൂടെ തന്നെ അമ്മേ എന്ന് വിളിച്ച് പരിഹസിക്കുന്നതിനെ കുറിച്ചും കരീന ഇതിനു മുൻപ് വെളിപ്പെടുത്തിയിരുന്നു. ഇത്തരത്തിലുളള വിമർശനങ്ങൾ ഏറെ അപഹാസ്യമാണെന്നും താരം പറഞ്ഞു. തൈമൂറിനോടൊപ്പം ഒരു പ്രൈവറ്റ് വിമാനത്തിൽ കയറാൻ പോകുന്ന ചിത്രത്തിന് ഏറെ വിമർശനങ്ങൾ സോഷ്യൽ മീഡിയകളിൽ ഉണ്ടായിരുന്നു. . മകനെ നാനിയെ ഏൽപ്പിക്കാൻ നാണമില്ലേ?
നിങ്ങൾ ഇത്രയ്ക്ക് അശ്രദ്ധയായ അമ്മയാണോ എന്ന തരത്തിലുള്ള ചോദ്യങ്ങൾ താരത്തിന് നേരെ ഉയർന്നിരുന്നു. ഇത് തന്നെ വല്ലാതെ ചൊടിപ്പിച്ചുവെന്നും കരീന പറഞ്ഞു. എന്റെ ജീവിതത്തെ കുറിച്ച് യാതൊന്നും അറിയാതെ തന്നെ ജഡ്ജ് ചെയ്യാൻ നോക്കരുതെന്നും കരീന പറഞ്ഞു.
താരങ്ങള്‍ക്കെതിരെ സമൂഹമാധ്യമങ്ങളിൽ ഉയരുന്ന വിമര്‍ശനങ്ങളും അവയോടുള്ള താരങ്ങളുടെ പ്രതികരണവുമാണ് ഷോ ചര്‍ച്ച ചെയ്യുന്നത്. കരണ്‍ ജോഹന്‍, സൊനാക്ഷി സിന്‍ഹ, സോനം കപൂര്‍, കപില്‍ ശര്‍മ്മ, നവാസുദ്ദീന്‍ സിദ്ദിഖി തുടങ്ങിയവരും വ്യത്യസ്ത എപ്പിസോഡുകളിലായി വെബ് സീരീസില്‍ അതിഥികളായി എത്തുന്നുണ്ട്
https://www.facebook.com/Malayalivartha
