പഴങ്ങള് മുറിച്ചു വയ്ക്കുമ്പോള് നിറം മാറാതിരിയ്ക്കാന്...
പഴങ്ങള് മുറിച്ച് വെച്ച് അല്പസമയം കഴിഞ്ഞ് നോക്കിയാല് മുറിച്ച് വെച്ച ഭാഗത്തെ നിറത്തിന് മാറ്റം വന്നതായി കാണാം. പലപ്പോഴും ഇത്തരം പ്രശ്നങ്ങള് കാരണം മുറിച്ച് വെച്ച പഴം ബാക്കി കളയുകയാണ് നമ്മളില് പലരും ചെയ്യുന്നത്. കഴിയ്ക്കുമ്പോള് രുചിവ്യത്യാസം ഉണ്ടാവില്ലെങ്കിലും പലപ്പോഴും ഇത്തരത്തിലുള്ള ബ്രൗണ് നിറം നമുക്ക് മനസ്സിന്റെ സംതൃപ്തി ഇല്ലാതാക്കും. എന്നാല് ഇനി ഇത്തരം പ്രശ്നങ്ങള്ക്ക് വിട നല്കാം. മുറിച്ചു വെച്ച പഴങ്ങള്ക്ക് ഇനി നിറം മങ്ങാതിരിയ്ക്കാന് ചെയ്യേണ്ട ചില കാര്യങ്ങള് എന്തൊക്കെയെന്ന് നോക്കാം.
പഴങ്ങള് മുറിയ്ക്കുമ്പോള് ഇനി വെള്ളത്തിലിട്ട് മുറിയ്ക്കാന് ശ്രമിക്കുക. വെള്ളത്തിലിട്ട് മുറിയ്ക്കുമ്പോള് അതിലെ ഓക്സിഡേഷന് ഒഴിവാകുന്നു. ഇത് പഴത്തെ ഫ്രഷ് ആയി തന്നെ നിലനിര്ത്തുന്നു. അതുകൊണ്ട് ഇനി പഴങ്ങള് മുറിയ്ക്കുമ്പോള് വെള്ളം നിറച്ച പാത്രത്തില് ഇട്ട് മുറിയ്ക്കാന് ശ്രമിക്കുക.
സോഡ വാട്ടറില് മുറിച്ച് വെച്ച പഴങ്ങള് മുക്കിയാലും ഇത്തരത്തിലുള്ള പ്രശ്നങ്ങള് ഒഴിവാക്കാം. മുറിച്ച് വെച്ച പഴങ്ങളിലെ കറയെ ഇല്ലാതാക്കാന് സോഡ വാട്ടറിന് കഴിയും.
ഉപ്പ് വെള്ളവും നല്ലൊരു പരിഹാരമാണ്. ആപ്പിള്, പഴം തുടങ്ങിയ പഴങ്ങള് ഉപ്പ് വെള്ളത്തില് കഴുകിയെടുത്താല് ഇത്തരം പ്രശ്നത്തെ ഇല്ലാതാക്കാം.
തേന് ഉപയോഗിച്ചും പഴങ്ങളിലെ ബ്രൗണിംഗ് ഇല്ലാതാക്കാം. രണ്ട് കപ്പ് തേന് നന്നായി വെള്ളത്തില് ചേര്ത്ത് പഴങ്ങള് അതില് മുക്കിയെടുത്താല് ഈ പ്രശ്നത്തെ ഇല്ലാതാക്കാം.
https://www.facebook.com/Malayalivartha
