മഴശക്തമായതോടെ കഴിഞ്ഞ നാല് ദിവസമായി പൊൻമുടിയിൽ ശക്തമായ മഴയും മൂടൽമഞ്ഞും ശക്തമായ കാറ്റും അനുഭവപ്പെടുന്നുണ്ട്. ഒപ്പം മലവെള്ളപ്പാച്ചിലുമുണ്ട്. പൊൻമുടിയിൽ നാലിടങ്ങളിലാണ് കഴിഞ്ഞ ദിവസങ്ങളിൽ മണ്ണിടിച്ചിൽ ഉണ്ടായത്.

മഴയും, മൂടഞ്ഞൽമഞ്ഞും കാരണം പൊൻമുടി തണുത്ത് വിറക്കുന്ന സ്ഥിതിയിലാണ്. മാത്രമല്ല മഞ്ഞിന്റെ ആധിക്യം മൂലം ഉച്ചതിരിഞ്ഞാൽ വാഹനങ്ങൾ ലൈറ്റ് തെളിച്ച് സഞ്ചരിക്കേണ്ട അവസ്ഥയുമാണുള്ളത്. മഴയും മണ്ണിടിച്ചിലും ഉരുൾപൊട്ടൽ സാദ്ധ്യതയും മുൻനിറുത്തി ദുരന്തനിവാരണ അതോറിട്ടിയുടെ നിർദ്ദേശപ്രകാരം പൊൻമുടി നാല് ദിവസമായി അടച്ചിട്ടിരിക്കുകയാണ്.

പൊൻമുടി അടഞ്ഞുകിടക്കുകയാണെങ്കിലും സന്ദർശനാനുമതി ചോദിച്ച് ധാരാളം സഞ്ചാരികൾ വനംവകുപ്പിന്റെ കല്ലാർ ചെക്ക് പോസ്റ്റിൽ എത്തുന്നുണ്ട്. വനപാലകർ ഇവരെ മടക്കി അയക്കുകയാണ് പതിവ്. ഇവിടെ പകൽസമയത്തുപോലും കാട്ടാനയും, കാട്ടുപോത്തും മറ്റും മഴയത്ത് റോഡിലേക്കിറങ്ങുന്നുണ്ട്. മഴ മാറിയാൽ അടുത്ത ആഴ്ചയോടെ പൊൻമുടി തുറന്നേക്കും.