തിരിച്ചുകയറി രൂപ. ഇന്ന് രാവിലെ ഡോളറിനെതിരെ 40 പൈസയുടെ നേട്ടമാണ് രൂപ സ്വന്തമാക്കിയത്. ഇതോടെ ഡോളറിനെതിരെ രൂപയുടെ മൂല്യം 92ൽ താഴെയെത്തി. 91.93ലേക്കാണ് രൂപയുടെ മൂല്യം ഉയർന്നത്. ഇന്നലെ 92.35 ലാണ് രൂപ ക്ലോസ് ചെയ്തത്.

കഴിഞ്ഞ ദിവസം വ്യാപാരത്തിനിടെ ക്രൂഡ് വില 110 ഡോളർ കടന്ന് കുതിച്ചിരുന്നു. ഇന്ത്യയുടെ ഇറക്കുമതി ചെലവ് കുറയുമെന്ന പ്രതീക്ഷയാണ് രൂപയിൽ പ്രതിഫലിച്ചത്. എങ്കിലും പശ്ചിമേഷ്യൻ സംഘർഷം തുടരുന്ന പശ്ചാത്തലത്തിൽ നിക്ഷേപകർ കരുതലോടെയാണ് വിപണിയിൽ ഇടപെടുന്നത്.

അതിനിടെ കഴിഞ്ഞ രണ്ടുദിവസം കനത്ത ഇടിവ് നേരിട്ട ഓഹരി വിപണിയും തിരിച്ചുവന്നു. വ്യാപാരത്തിന്റെ തുടക്കത്തിൽ സെൻസെക്‌സ് 400ലധികം പോയിന്റ് ആണ് കുതിച്ചത്. എണ്ണവിലയിലെ ഇടിവ് അടക്കമുള്ള വിഷയങ്ങളാണ് ഓഹരി വിപണിക്ക് തുണയായത്.

ശ്രീറാം ഫിനാൻസ്, ഇന്റർഗ്ലോബ് ഏവിയേഷൻ, ഡോ. റെഡ്ഡീസ് ലാബ് അടക്കമുള്ള കമ്പനികൾ നേട്ടം സ്വന്തമാക്കി.