ലുലു കണ്വന്ഷന് സെന്റര് വിശാഖപട്ടണത്ത് വരുന്നു
പ്രമുഖ ഷോപ്പിങ് മാള് ഗ്രൂപ്പായ ലുലു ആന്ധപ്രദേശിലെ വിശാഖപട്ടണത്ത് വരുന്നു. ഇതിനായി ഹാര്ബര് പാര്ക്കിലെ 9.65 ഏക്കര് സ്ഥലം ലുലു ഗ്രൂപ്പിന് അനുവദിച്ചുകൊണ്ട് സര്ക്കാര് ഉത്തരവിറക്കി. രണ്ടു ഘട്ടമായി 36 മാസത്തിനുള്ളില് ലുലു നിര്മാണ പ്രവര്ത്തനങ്ങള് പൂര്ത്തിയാക്കുമെന്ന് ആന്ധ്രപ്രദേശ് പ്രിന്സിപ്പല് സെക്രട്ടറി അജയ് ജയിന് അറിയിച്ചു. 700 കോടി രൂപ മുതല്മുടക്കില് കണ്വന്ഷന് സെന്റര്, ഹോട്ടല്, ഷോപ്പിങ് മാള് എന്നിവയാണ് നിര്മിക്കുക.
ലുലുവിന്റെ ഉന്നതതല സംഘം അടുത്തുതന്നെ ഇതു സംബന്ധിച്ച കരാറില് സര്ക്കാരുമായി ഒപ്പുവയ്ക്കും. പിപിപി മാതൃകയിലാണു പദ്ധതി പൂര്ത്തിയാക്കുന്നതെന്നും അജയ് ജെയിന് അറിയിച്ചു. ദാവോസ് ലോക സാമ്പത്തിക ഉച്ചകോടിക്കിടെ മുഖ്യമന്ത്രി ചന്ദ്രബാബു നായിഡു ലുലു ഗ്രൂപ്പ് ചെയര്മാന് എം.എ. യൂസഫലിയുമായി നടത്തിയ ചര്ച്ചയിലാണു പദ്ധതി സംബന്ധിച്ചു ധാരണയായതെന്നു ലുലു ഗ്രൂപ്പ് ഡയറക്ടര് എ.വി. ആനന്ദ് അറിയിച്ചു.
https://www.facebook.com/Malayalivartha
