ഓഹരി വിപണിയിൽ നേട്ടം.... സെൻസെക്സ് 600ലധികം പോയിന്റ് മുന്നേറി, നിഫ്റ്റി 25,000 എന്ന നിലവാരത്തിന് മുകളിൽ വ്യാപാരം

തിരിച്ചുവന്ന് ഓഹരി വിപണി. വിപണിയുടെ തുടക്കത്തിൽ സെൻസെക്സ് 600ലധികം പോയിന്റ് ആണ് മുന്നേറിയത്. നിലവിൽ 82000 എന്ന സൈക്കോളജിക്കൽ ലെവലിന് മുകളിലാണ് സെൻസെക്സ്.
നിഫ്റ്റി 25,000 എന്ന നിലവാരത്തിന് മുകളിലാണ് വ്യാപാരം തുടരുന്നത്. നവംബറിലെ ആദ്യ രണ്ടാഴ്ചയിൽ വിദേശ നിക്ഷേപകർ ഒന്നടങ്കം 84,290 കോടി രൂപയുടെ നിക്ഷേപമാണ് ഓഹരി വിപണിയിൽ നടത്തിയത്.
സെപ്റ്റംബറിലും ഒക്ടോബറിലും വിൽപ്പനക്കാരായിരുന്ന സ്ഥാനത്ത് നിന്നാണ് ഓഹരി വിപണിയിൽ പ്രതീക്ഷയർപ്പിച്ചുള്ള വിദേശ നിക്ഷേപകരുടെ നിക്ഷേപം. ഇതിന് പുറമേ ആഗോള വിപണിയിൽ എണ്ണവിലയിടിവ് തുടരുന്നതും വിപണിക്ക് കരുത്തേകി. ഇന്ത്യ മുഖ്യമായി ആശ്രയിക്കുന്ന ബ്രെൻഡ് ക്രൂഡ് വില ബാരലിന് 95 ഡോളറാണ്. ഭാരതി എയർടെൽ, ഏഷ്യൻ പെയിന്റ്സ്, ടൈറ്റൻ, കൊട്ടക് മഹീന്ദ്ര ബാങ്ക്, എസ്ബിഐ ഓഹരികൾ നേട്ടം സ്വന്തമാക്കിയപ്പോൾ ടാറ്റ സ്റ്റീൽ, പവർഗ്രിഡ്, എൻടിപിസി, ഇന്റർഗ്ലോബ് ഏവിയേഷൻ ഓഹരികൾ നഷ്ടം നേരിടുകയും ചെയ്തു. അതിനിടെ ഡോളറിനെതിരെ രൂപയുടെ മൂല്യവും ഉയർന്നു.
ആറു പൈസയുടെ നേട്ടത്തോടെ 94.13ലേക്കാണ് രൂപ മുന്നേറിയത്. എണ്ണവിലയിടിവും ഓഹരി വിപണിയിൽ നിന്നുള്ള അനുകൂല സൂചനകളുമാണ് രൂപയ്ക്ക് കരുത്തായി മാറിയത്.
"
https://www.facebook.com/Malayalivartha

























