ഇന്ത്യന്‍ കമ്പനിയായ ഇന്റെക്‌സ് പുതിയ 4ജി ഫീച്ചര്‍ ഫോണ്‍ അവതരിപ്പിച്ചു. ഇന്റെക്‌സ് ടര്‍ബോ പ്ലസ് 4ജിയാണ് 1999 രൂപയ്ക്ക് 4ജി കണക്ടിവിറ്റി നല്‍കുന്നത്. റിലയന്‍സ് ജിയോ ഫോണ്‍ ഈ മാസം ബുക്കിങ് ആരംഭിക്കാനിരിക്കെയാണിത്. ജിയോ ഫോണിനു പിന്നാലെ 2500 രൂപയ്ക്ക് 4ജി ഫീച്ചര്‍ ഫോണ്‍ അവതരിപ്പിക്കാന്‍ ഐഡിയ നീക്കം നടത്തുന്നതിനിടെയാണ് ഇന്റെക്‌സ് സ്വന്തം 4ജി ഫോണ്‍ അവതരിപ്പിച്ചത്.

ജിയോ ഫോണ്‍ സെപ്റ്റംബര്‍ അവസാനം വിതരണം തുടങ്ങുമ്പോള്‍ ഇന്റെക്‌സിന്റെ 4ജി ഫോണ്‍ ദീപാവലി റിലീസ് ആണ്. ജിയോ ഫോണിലെ അതേ ഓപ്പറേറ്റിങ് സിസ്റ്റം തന്നെയാണ് ഇന്റെക്‌സിലും. രണ്ടിലും 2.4 ഇഞ്ച് ഡിസ്‌പ്ലേയാണുള്ളത്. 512 എംബി റാം, 4 ജിബി ഇന്റേണല്‍ മെമ്മറി, 2000 മില്ലി ആംപിയര്‍ ബാറ്ററി എന്നിവയാണ് ഇന്റെക്‌സ് ഫോണിന്റെ സവിശേഷതകള്‍. ജിയോ ഫോണില്‍ ജിയോ സിമ്മും ആപ്പുകളും മാത്രം പ്രവര്‍ത്തിക്കുമ്പോള്‍ ഇന്റെകസ് ഫോണില്‍ ഏതു സിമ്മും ഉപയോഗിക്കാം.