കേരളത്തിലെ അഭ്യസ്ത വിദ്യരായ നല്ലയൊരു ശതമാനം യുവാക്കളുടേയും ലക്ഷ്യം പി എസ് സി യും അതു വഴി ലഭിക്കുന്ന കേരള സർക്കാർ ജോലിയും തന്നെയാണ് എന്നതിൽ സംശയമില്ല. വിവിധ വകുപ്പുകള്‍ തങ്ങളുടെ ഒഴിവുകള്‍ റിപ്പോർട്ട് ചെയ്യുന്നതിനനുസരിച്ചാണ് പി എസ് സി അപേക്ഷ ക്ഷണിക്കുന്നത്. എഴുത്ത് പരീക്ഷ, കായിക ക്ഷമാതാ പരീക്ഷ, രേഖാ പരിശോധന, അഭിമുഖം എന്നിങ്ങനെ ഓരോ തസ്തികക്ക് അനുസരിച്ച് തിരഞ്ഞെടുപ്പ് നടപടികള്‍ പൂർത്തിയാക്കിയാണ് നിയമനം നടത്തുക. അഭിമുഖത്തിന് മുൻപ് ചുരുക്കപ്പട്ടിക (Short List) പ്രസിദ്ധീകരിക്കും. അഭിമുഖത്തിന് ശേഷം അന്തിമ പട്ടികയും (Rank List). റാങ്കും സംവരണക്രമവും അനുസരിച്ച് ഉദ്യോഗാർത്ഥികളെ നിയമനങ്ങൾക്കായി ശുപാർശ ചെയ്യുന്നതും പി എസ് സിയാണ്. അതനുസരിച്ചാണ് വിവിധ സർക്കാർ വകുപ്പുകള്‍ നിയമന ഉത്തരവ് നല്കു്ന്നത്.ഇപ്പോൾ 52 തസ്തികകളില്‍ പി.എസ്.സി വിജ്ഞാപനം പ്രസിദ്ധീകരിച്ചിട്ടുണ്ട്

കേരള സർക്കാരിന്റെ കീഴിലുള്ള വിവിധ വകുപ്പുകളില്‍ ക്ലാര്‍ക്ക്, ടൈപ്പിസ്റ്റ്, ഓഫീസ് അറ്റന്‍ഡന്റ്, വിദ്യാഭ്യാസ വകുപ്പുകളിലെ അധ്യാപക ഒഴിവുകള്‍ എന്നിവ ഉള്‍പ്പെടെ 52 തസ്തികകളില്‍ പി.എസ്.സി വിജ്ഞാപനം പ്രസിദ്ധീകരിച്ചിട്ടുള്ളത് . കേരളസർക്കാർ ജോലി ആഗ്രഹിക്കുന്ന ഉദ്യോഗാർത്ഥികൾ പി.എസ്.സിയുടെ ഒറ്റത്തവണ രജിസ്‌ട്രേഷന്‍ പ്രൊഫൈല്‍ വഴി ഓണ്‍ലൈനായി അപേക്ഷിക്കണം.......

ഒഴിവുള്ള തസ്തികകള്‍ ഒറ്റനോട്ടത്തില്‍ ഇങ്ങനെയാണ്
സെക്രട്ടറിയേറ്റ് LGS (സെക്രട്ടറിയേറ്റ് ഓഫീസ് അറ്റന്‍ഡന്റ് ) ആണ് ഏറ്റവുംകൂടുതൽ ആളുകൾ അപേക്ഷിക്കാൻ സാധ്യതയുള്ള പ്രധാനപ്പെട്ട തസ്തികകളിൽ ഒന്ന്. ഈ തസ്തികയിൽ നിയമനം കിട്ടുന്നവർക്ക് തിരുവനന്തപുരം സെക്രട്ടേറിയറ്റിലും കേരളത്തിലെ മറ്റ് പി എസ് സി ഓഫീസുകളിലും നിയമനം ലഭിക്കാൻ സാധ്യതയുണ്ട്. ഈ പോസ്റ്റിൽ പ്രതിമാസം 35700 വരെ ശമ്പളം ലാഭിക്കാം.

അസിസ്റ്റന്റ് പ്രൊഫസര്‍ - മെഡിക്കല്‍ വിദ്യാഭ്യാസ വകുപ്പ്

അസിസ്റ്റന്റ് എന്‍ജിനീയര്‍ (സിവില്‍)

ജൂനിയര്‍ ഇന്‍സ്ട്രക്ടര്‍ - ഇന്റസ്ട്രിയല്‍ ട്രെയിനിങ് വകുപ്പ് .

ഓഫീസ് അറ്റന്‍ഡന്റ് (സെക്രട്ടേറിയറ്റ്/ പി.എസ്.സി/ ലോക്കല്‍ ഫണ്ട് ഓഡിറ്റ്/ കേരള ലെജിസ്ലേച്ചര്‍)

വെല്‍ഫെയര്‍ ഓര്‍ഗനൈസര്‍ - സൈനിക ക്ഷേമവകുപ്പ്......

എല്‍.പി. സ്‌കൂള്‍ അസിസ്റ്റന്റ് (മലയാളം)

ക്ലാര്‍ക്ക്-ടൈപ്പിസ്റ്റ്

സീനിയര്‍ സൂപ്രണ്ട്/ അസിസ്റ്റന്റ് ട്രഷറി ഓഫീസര്‍

ഇലക്ട്രീഷ്യന്‍ - ചലച്ചിത്ര വികസന കോര്‍പ്പറേഷന്‍

ലെക്ചറര്‍ - കോളേജ് വിദ്യാഭ്യാസ വകുപ്പ്

സിവില്‍ എക്‌സൈസ് ഓഫീസര്‍

സൂപ്രണ്ട് - കാര്‍ഷിക വകുപ്പ്

ഇവകൂടാതെ നിരവധി തസ്തികകളിൽ പി എസ സി അപേക്ഷ ക്ഷണിച്ചിട്ടുണ്ട്. ഒഴിവുള്ള കൂടുതല്‍ തസ്തികകള്‍, യോഗ്യത, പ്രായപരിധി എന്നിവയുള്‍പ്പെടെ വിശദ വിവരങ്ങള്‍ക്ക് keralapsc.gov.in എന്ന വെബ്‌സൈറ്റില്‍ പ്രസിദ്ധീകരിച്ചിട്ടുള്ള വിജ്ഞാപനം കാണുക.

ഓണ്‍ലൈനായി അപേക്ഷിക്കാനുള്ള അവസാന തീയതി - ഓഗസ്റ്റ് 29

നിശ്ചിത യോഗ്യതയുള്ളവർ ആഗസ്റ്റ് 29 ന് മുൻപ് തന്നെ അപേക്ഷകൾ അയക്കാൻ ശ്രദ്ധിക്കണം. വെബ്സൈറ്റില്‍ പ്രസിദ്ധീകരിച്ച വിശദവിവരങ്ങൾക്കനുസരിച്ചാണ് അപേക്ഷകൾ അയക്കേണ്ടത് .