മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സംസ്ഥാന/ജില്ലാ മിഷനുകളിലേയ്ക്ക് അന്യത്ര സേവന/കരാര്‍ വ്യവസ്ഥയില്‍ നിയമനം ; സെപ്തംബർ 25 വരെ അപേക്ഷിക്കാം
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സംസ്ഥാന/ജില്ലാ മിഷനുകളിലേയ്ക്ക് അന്യത്ര സേവന/കരാര്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചിരിക്കുന്നു. സംസ്ഥാന തലത്തില്‍ ടെക്‌നിക്കല്‍ എക്‌സിപെര്‍ട്ട്-അഗ്രികള്‍ച്ചര്‍, ഫിനാന്‍സ് മാനേജര്‍ കം അഡ്മിനിസ്‌ട്രേറ്റീവ് സൂപ്പര്‍വൈസര്‍ എന്നീ തസ്തികകളിലേക്കാണ് അപേക്ഷകൾ അയക്കേണ്ടുന്നത്. അന്യത്ര സേവന വ്യവസ്ഥയിലും ജില്ലാതലത്തില്‍ ഡിസ്ട്രിക്റ്റ് എം.ജി.എന്‍.ആര്‍.ഇ.ജി.എ എന്‍ജിനീയര്‍ തസ്തികയില്‍ കരാര്‍ നിയമനവും നടത്തുകയാണ്. ടെക്‌നിക്കല്‍ എക്‌സ്‌പെര്‍ട്ട് തസ്തികയിലേക്ക് സംസ്ഥാന മണ്ണ് സംരക്ഷണ വകുപ്പ്, കാര്‍ഷിക വികസന കര്‍ഷകക്ഷേമ വകുപ്പ് എന്നിവയില്‍ ഡയറക്ടറുടെ റാങ്കില്‍ പ്രവര്‍ത്തനം നടത്തുന്ന ഉദ്യോഗസ്ഥര്‍ക്ക് അപേക്ഷിക്കാവുന്നതാണ്. നീര്‍ത്തടാധിഷ്ഠിത പ്ലാനിംഗില്‍ ചുരുങ്ങിയത് അഞ്ച് വര്‍ഷത്തെ സജീവ പ്രവര്‍ത്തനം നടത്തിയിട്ടുള്ളവർക്ക് മുന്‍ഗണന.
ഫിനാന്‍സ് മാനേജര്‍ കം അഡ്മിനിസ്‌ട്രേറ്റീവ് സൂപ്പര്‍വൈസര്‍ തസ്തികയിലേക്ക് സാമ്പത്തികവും ഭരണപരവുമായ സൂപ്പര്‍വൈസറി ചുമതലകള്‍ നിര്‍വഹിക്കുന്ന ഉദ്യോഗസ്ഥര്‍ക്ക് അപേക്ഷിക്കാവുന്നതാണ്.
ഡിസ്ട്രിക്റ്റ് എം.ജി.എന്‍.ആര്‍.ഇ.ജി.എ എന്‍ജിനീയര്‍ തസ്തികയിലേക്ക് 14 ജില്ലകളിലായി ഓരോ ഒഴിവ് വീതമുണ്ട്. അഗ്രികള്‍ച്ചറല്‍ എന്‍ജിനീയറിംഗില്‍ ബി.ടെക് ബിരുദമാണ് അപേക്ഷിക്കുന്നവർക്ക് വേണ്ടുന്ന യോഗ്യത. ഈ യോഗ്യത ഇല്ലെങ്കിൽ സിവില്‍ എന്‍ജിനീയറിംഗില്‍ ബിരുദം, കൃഷിശാസ്ത്രത്തില്‍ ബിരുദം, പരിസ്ഥിതി ശാസ്ത്രത്തില്‍ ബിരുദാനന്തര ബിരുദം എന്നിവയുള്ളവർ പരിഗണിക്കപ്പെടും . സംയോജിത നീര്‍ത്തട പരിപാലന പദ്ധതിയില്‍ കുറഞ്ഞത് അഞ്ച് വര്‍ഷത്തെ പ്രവൃത്തിപരിചയമുള്ളവർക്ക് മുന്‍ഗണനയുണ്ട്. പ്രതിമാസ ഓണറേറിയം രൂപ 42305.
അന്യത്ര സേവന വ്യവസ്ഥയിലേക്ക് നിയമനത്തിനായി കേരള സര്‍വ്വീസ് റൂള്‍സ് പാര്‍ട്ട് 1 റൂള്‍ 144 പ്രകാരമുള്ള പത്രിക, വകുപ്പുതലവന്‍ നല്‍കുന്ന നോ ഒബ്ജക്ഷന്‍ സര്‍ട്ടിഫിക്കറ്റ്, ബയോഡേറ്റ എന്നിവ സഹിതം അപേക്ഷിക്കണം. കരാര്‍ തസ്തികകളിലേയ്ക്ക് അപേക്ഷിക്കുന്നവര്‍ അപേക്ഷയോടൊപ്പം ബയോഡേറ്റ, യോഗ്യത, പ്രവൃത്തി പരിചയം, വയസ്സ്, മേല്‍വിലാസം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സാക്ഷ്യപ്പെടുത്തണം. അപേക്ഷകള്‍ മിഷന്‍ ഡയറക്ടര്‍, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി സംസ്ഥാന മിഷന്‍, അഞ്ചാംനില, സ്വരാജ് ഭവന്‍, നന്തന്‍കോട്, കവടിയാര്‍ പി.ഒ., തിരുവനന്തപുരം, പിന്‍-695 003 എന്ന വിലാസത്തില്‍ അയക്കുക. സെപ്തംബർ 25ന് വൈകിട്ട് അഞ്ചിനകം അയക്കണം . കൂടുതൽ വിവരങ്ങൾക്ക് ഫോണ്‍: 0471-2313385, 2314385. വിശദവിവരങ്ങള്‍ക്ക് www.nregs.kerala.gov.in എന്ന വെബ്സൈറ്റ് സന്ദര്‍ശിക്കുക.
https://www.facebook.com/Malayalivartha
