യുകെയില് ജോലി തേടുന്ന മലയാളി നഴ്സുമാർക്ക് സുവർണ്ണാവസരം ; ഒക്യുപേഷണല് ഇംഗ്ലീഷ് ടെസ്റ്റ് റൈറ്റിങ് സ്കോറിൽ ഇളവ് ; ബ്രിട്ടീഷ് സര്ക്കാര് തീരുമാനം ഇങ്ങനെ
നഴ്സുമാര്ക്ക് വമ്പൻ അവസരങ്ങളുടെ വാതില് തുറന്നു നൽകി ബ്രിട്ടീഷ് സര്ക്കാര്. കഴിഞ്ഞ വര്ഷം യുകെയില് ജോലി ചെയ്യാനുള്ള നഴ്സുമാരുടെ ഇംഗ്ലീഷ് യോഗ്യതയായ ഐഇഎല്ടിഎസില് വെട്ടിക്കുറവ് വരുത്തി റൈറ്റിങ് സ്കോര് 7 ബാന്ഡില് നിന്നും 6.5 ആയി കുറച്ചിരുന്നു. ഇത് പോലെ തന്നെ വീണ്ടും ഒക്യുപേഷണല് ഇംഗ്ലീഷ് ടെസ്റ്റ് റൈറ്റിങ് സ്കോറി (ഒഇടി) ലും ഇളവു വരുത്തിയിരിക്കുകയാണ്. യുകെയിലെ നഴ്സിങ് റെഗുലേറ്ററി ഏജന്സിയായ നഴ്സിങ് ആന്ഡ് മിഡ് വൈഫറി കൗണ്സില് (എന്എംസി) ആണ് വെട്ടിക്കുറവ് സംബന്ധിച്ചുള്ള വിവരം അറിയിച്ചിരിക്കുന്നത്. കഴിഞ്ഞ ഒരു മാസം വിശദമായ പരിശോധനകള് നടത്തിയിരുന്നു. ഇതിന് ശേഷമായിരുന്നു ഒഇടി സ്കോര് കുറയ്ക്കുന്ന എന്ന തീരുമാനത്തിൽ എത്തിയത്. പുതിയ മാറ്റമനുസരിച്ച് ഒഇടി എല്ലാവരും തുടര്ച്ചയായി തോല്ക്കുന്ന റൈറ്റിംഗിന് സിപ്ലസ് നേടിയാല് മതിയാകും. ലിസണിങ്, റീഡിങ്, സ്പീക്കിങ് എന്നിവയ്ക്ക് നിലവിലുള്ള ബി ഗ്രേഡ് തുടരുമ്ബോള് റൈറ്റിംഗിന് സിപ്ലസ് മതിയാകും.
ഇന്നലെ ചേര്ന്ന എന്എംസി കൗണ്സില് മീറ്റിംഗിൽ പുതിയ മാറ്റങ്ങളെ കുറിച്ചുള്ള വിവരം എന്എംസി പുറത്തു വിട്ടു. ഈമാസം 27 മുതല് സ്വീകരിക്കുന്ന പുതിയ മാറ്റം അനുസരിച്ചുള്ള ആപ്ലിക്കേഷനുക ളായിരിക്കും സ്വീകരിക്കുക. കഴിഞ്ഞ രണ്ടു വര്ഷത്തിനുള്ളില് ഒഇടി എഴുതിയപ്പോള് റൈറ്റിംഗിനു മാത്രം സി പ്ലസ് കിട്ടിയതുകൊണ്ട് ബ്രിട്ടനിലേക്ക് എത്താന് സാധിക്കാതെ പോയവര്ക്കും ഇപ്പോള് അപേക്ഷിക്കാവുന്നതാണ്. യുകെയില് ജോലി ചെയ്യാനുള്ള നഴ്സുമാരുടെ ഇംഗ്ലീഷ് യോഗ്യതയില് വെട്ടിക്കുറവ് വരുത്തുന്ന യുകെയിലെ നഴ്സിങ് റെഗുലേറ്ററി ഏജന്സിയായ നഴ്സിങ് ആന്ഡ് മിഡ് വൈഫറി കൗണ്സില് എടുത്ത ചരിത്രപരമായ തീരുമാനം ആണ് ഇന്ത്യയിലും ഗള്ഫിലുമെല്ലാമായി കുറഞ്ഞ ശമ്ബളത്തിന് ജോലി ചെയ്യുന്ന നഴ്സുമാര്ക്ക് പുതിയ അവസരത്തിന് വഴി തുറക്കുന്നത്.
ഈമാസം 26, 27, 28 തീയതികളിളും ഡിസംബറിലും ലിവര്പൂള് മുതല് യോര്ക്ക് വരെ ആറ് എന്എച്ച്എസ് ട്രസ്റ്റുകളിലെ 14 ആശുപത്രികളിലേക്കുള്ള നിരവധി നഴ്സുമാരുടെ അടിയന്തിര റിക്രൂട്ട്മെന്റ് നടക്കുന്നുവെന്ന വാര്ത്ത ഇന്നലെ ബ്രിട്ടീഷ് മലയാളിയില് പ്രസിദ്ധീകരിച്ചിരുന്നു. പുതിയ നിയമ മാറ്റത്തിന്റെ അടിസ്ഥാനത്തില് ഇതു പ്രയോജനപ്പെടുത്താനുള്ള മികച്ച അവസരം കൂടിയാണ് ഈ റിക്രൂട്ട്മെന്റിലൂടെ ഒഇടി റൈറ്റിഗിന് സി പ്ലസ് നേടിയ മലയാളി നഴ്സുമാര്ക്ക് കൈവരുന്നത്. ഇന്ര്വ്യൂ ഈമാസം 26 മുതല് തുടങ്ങും. ഈമാസം 26, 27, 28 ദിവസങ്ങളിലായി മൂന്നു ദിവസങ്ങളിലാണ് ഇന്റര്വ്യൂ നടക്കുക. ഡിസംബറില് 3, 5, 9, 10, 13, 17, 19 ദിവസങ്ങളിലും ഇന്റര്വ്യൂ നടക്കുന്നതാണ്.
യുകെയിലെ ആറ് എന്എച്ച്എസ് ട്രസ്റ്റുകള്ക്കു കീഴില് പ്രവര്ത്തിക്കുന്ന 14 എന്എച്ച്എസ് ആശുപത്രികളിലേക്കാണ് ഇന്റര്വ്യൂ. സ്കൈപ്പ് വഴി നടക്കുന്ന ഈ ഇന്റര്വ്യൂവില് പങ്കെടുക്കുന്നവര്ക്ക് സുരക്ഷിതമായി യുകെയിലേക്ക് എത്താനുള്ള അവസരം ഒരുങ്ങുന്നത്. ലിവര്പൂള്, മാഞ്ചസ്റ്റര്, വിഗാന്, സ്റ്റോക്ക്പോര്ട്ട്, ലങ്കാസ്റ്റര്, ലീഡ്സ്, സ്കാര്ബറോ, യോര്ക്ക് എന്നീ 14 എന്എച്ച്എസ് ഹോസ്പിറ്റലുകളിലാണ് നഴ്സുമാരെ ആവശ്യം. അടിയന്തിര നിയമനം നടത്തുന്ന ഈ ആശുപത്രികളിലേക്ക് അപേക്ഷിക്കാന് ഒഇടി റൈറ്റിംഗിന് സി പ്ലസും ബാക്കിയുള്ളതിന് ബിയും ഉള്ളവരോ, അല്ലെങ്കില് ഐഇഎല്ടിഎസ് പാസായിട്ടുള്ളവരോ ആണ് നിങ്ങളെങ്കില് ഉടന് തന്നെ uknurse@vostek.co.uk എന്ന ഇമെയില് ഐഡിയിലേക്ക് നിങ്ങളുടെ സിവി അയക്കുക. പ്രമുഖ മലയാളി ഏജന്സിയായ വോസ്ടെക് തന്നെയാണ് സൗജന്യ നഴ്സിങ് റിക്രൂട്ട്മെന്റ് ചുമതല ഏറ്റെടുത്തിരിക്കുന്നത്.
നിരവധി തവണ ഒഇടി ടെസ്റ്റ് എഴുതിയിട്ടും റൈറ്റിങ് മൊഡ്യൂള് എന്ന കടമ്ബ കടക്കാനാവാതെ നിരവധി പേരാണ് പരാജയപ്പെടുന്നത്. അനേകം മലയാളി നഴ്സുമാരാണ് നാലും അഞ്ചും തവണ ബാക്കി എല്ലാത്തിനും ബി നേടിയിട്ടും നേടിയിട്ടും റൈറ്റിങ്ങില് സി പ്ലസില് കുടുങ്ങി കിടക്കുന്നത്. റൈറ്റിംഗിനു മാത്രം സി പ്ലസ് ആയതുകൊണ്ട് ബ്രിട്ടനിലെ നഴ്സിങ് ജോലി എന്ന സ്വപ്നം ഉപേക്ഷിച്ചവര് നിരവധിയാണ്. അതുകൊണ്ട് തന്നെ എന്എംസിയുടെ പുതിയ തീരുമാനം ഇപ്പോള് ഒഇടിയിക്ക് പരിശ്രമിച്ചു കൊണ്ടിരിക്കുന്ന ആയിരക്കണക്കിന് മലയാളി നഴ്സുമാര്ക്ക് ഉപയോഗിക്കാവുന്നതാണ് . കഴിഞ്ഞ രണ്ട് വര്ഷത്തിനിടയില് ഇവര് ഒഇടി എഴുതുകയും അതില് റൈറ്റിങ് സി പ്ലസും ബാക്കിയെല്ലാം ബിയും ആണെങ്കില് അവര്ക്ക് ഇനി പരീക്ഷ എഴുതേണ്ട കാര്യമില്ല. ഈമാസം 27ന് പുതിയ നിയമം പ്രാബല്യത്തില് വരുന്ന ദിവസം തന്നെ ഇവര്ക്ക് ജോലി ചെയ്യാനുള്ള പ്രൊസസ് തുടങ്ങാം. കൂടുതല് വിവരങ്ങള്ക്ക് ബന്ധപ്പെടുക uknurse@vostek.co.uk.
https://www.facebook.com/Malayalivartha