ഐ ടി കഴിഞ്ഞവർക്ക് ഇപ്പോൾ നീലിറ്റിൽ അവസരം . കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന് കീഴിലുള്ള സ്വയംഭരണ സ്ഥാപനമാണ് ഡൽഹി നാഷനൽ ഇൻസ്റ്റിറ്റ്യൂട്ട് ഓഫ് ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി അഥവാ നീലിറ്റ് (NIELIT) നീലിറ്റിൽ ഇപ്പോൾ വിവിധ തസ്തികകളിലായി 328 ഒഴിവുകളാണ് ഉള്ളത് . ഈ ഒഴിവുകളിലേക്ക് ഡിസംബർ 16 വരെ ഒാൺലൈനായി അപേക്ഷിക്കാം..കരാർ നിയമനമാണ്. തെരഞ്ഞെടുക്കപെടുന്നവർക്ക് ഡൽഹി/ എൻസിആർ/ കൊൽക്കത്ത എന്നിവിടങ്ങളിലായിരിക്കും നിയമനം

ഐടി ട്രെയിനിങ് ആൻഡ് സപ്പോർട്ട് എക്സിക്യൂട്ടീവ് തസ്തികയിലേക്ക് അപേക്ഷിക്കുന്നവർ എംസിഎ/ ഡിഒഇഎസിസി ബി ലെവൽ/ ബിഇ/ ബിടെക് (കംപ്യൂട്ടർ സയൻസ്/ ഇൻഫർമേഷൻ ടെക്നോളജി/ ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്യൂണിക്കേഷൻ/ ഇലക്ട്രോണിക്സ് ആൻഡ് ഇലക്ട്രിക്കൽ/ ഇലക്ട്രോണിക്സ് ആൻഡ് ടെലികമ്യൂണിക്കേഷൻ/ ഇലക്ട്രോണിക്സ് ആൻഡ് ഇൻസ്ട്രുമെന്റ്)/ എംഎസ്‌സി (ഇലക്ട്രോണിക്സ്/ അപ്ലൈഡ് ഇലക്ട്രോണിക്സ്/ സിഎസ്/ ഐടി) എന്നിവയെ അല്ലെങ്കിൽ അല്ലെങ്കിൽ ഉയർന്ന യോഗ്യതയോ ഉള്ളവരായിരിക്കണം . ബിസിഎ/ ഡിഒഇഎസിസി ഐടി-എ ലെവൽ/ ബിഎസ്‌സി (ഐടി)/ കംപ്യൂട്ടർ ആപ്ലിക്കേഷൻ ത്രിവൽസര പിജി ഡിപ്ലോമ അല്ലെങ്കിൽ ഉയർന്ന യോഗ്യത ഉള്ളവർക്കും അപേക്ഷിക്കാം

പ്രോഗ്രാമർ അസിസ്റ്റന്റ് ബി തസ്തികയിലേക്ക് അപേക്ഷിക്കുന്നവർ കംപ്യൂട്ടർ സയൻസ്/ കംപ്യൂട്ടർ ആപ്ലിക്കേഷൻസ്/ ഐടി/ ഇലക്ട്രോണിക്സ് ആൻഡ് കമ്യൂണിക്കേഷനിൽ ബിരുദം ഉണ്ടായിരിക്കണം . അല്ലെങ്കിൽ സയൻസ്, മാത്തമാറ്റിക്സ്, സ്റ്റാറ്റിസ്റ്റിക്സ്, ഇക്കണോമിക്സ്, കൊമേഴ്സ്, ഓപ്പറേഷൻസ് റിസർച്ചിൽ ബിരുദവും ഒരു വർഷത്തെ എ ലെവൽ ഡിഒഇഎസിസി/ പിജിഡിസിഎ (ബിരുദം/ ഡിപ്ലോമ യോഗ്യതയിൽ മൊത്തം 50 % മാർക്കോ തത്തുല്യ ഗ്രേഡോ നേടിയിരിക്കണം).

ഐടി മാനേജർ വിഭാഗത്തിലേക്ക് ബിഇ/ ബിടെക്/ എംഇ/ എംടെക് (കംപ്യൂട്ടർ സയൻസ് ആൻഡ് എൻജിനീയറിങ്/ കംപ്യൂട്ടർ എൻജിനീയറിങ്/ കംപ്യൂട്ടർ ടെക്നോളജി/ ഇൻഫർമേഷൻ ടെക്നോളജി/ കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജി/ കംപ്യൂട്ടർ ആപ്ലിക്കേഷൻസ്, ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്യൂണിക്കേഷൻസ്/ ഇലക്ട്രോണിക്സ് ആൻഡ് ടെലികമ്യൂണിക്കേഷൻസ്)/ എംസിഎ/ ബിഎസ്‌സി (കംപ്യൂട്ടർ സയൻസ് എൻജിനീയറിങ്- നാലു വർഷത്തെ ബിരുദ കോഴ്സ്) എന്നിങ്ങനെയാണ് യോഗ്യത .

സീനിയർ പ്രോഗ്രാമർ, സീനിയർ പ്രോഗ്രാമർ കെഒഎൽ, സിസ്റ്റം അനലിസ്റ്റ്, അസിസ്റ്റന്റ് പ്രോഗ്രാമർ ബി, അസിസ്റ്റന്റ് പ്രോഗ്രാമർ ബി കെഒഎൽ, പ്രോഗ്രാമർ, പ്രോജക്ട്/ ടീം ലീഡ് എന്നിവയിലേക്ക് അപേക്ഷിക്കുന്നതിനു ബിഇ/ ബിടെക്/ എംഇ/ എംടെക് (കംപ്യൂട്ടർ സയൻസ് ആൻഡ് എൻജിനീയറിങ്/ കംപ്യൂട്ടർ എൻജിനീയറിങ്/ കംപ്യൂട്ടർ ടെക്നോളജി/ ഇൻഫർമേഷൻ ടെക്നോളജി/ കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജി/ കംപ്യൂട്ടർ ആപ്ലിക്കേഷൻസ്)/ എംസിഎ/ ബിഎസ്‌സി (കംപ്യൂട്ടർ സയൻസ് എൻജിനീയറിങ്- നാല് വർഷത്തെ ബിരുദ കോഴ്സ്) യോഗ്യതകൾ ഉണ്ടായിരിക്കണം .

നെറ്റ്‌വർക്ക് സ്പെഷലിസ്റ്റ് തസ്തികയിലേക്ക് ബിഇ/ ബിടെക്/ എംഇ/ എംടെക് (ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്യൂണിക്കേഷൻ/ ഇലക്ട്രിക്കൽ ആൻഡ് ഇലക്ട്രോണിക്സ് ആൻഡ് ടെലികമ്യൂണിക്കേഷൻ) കഴിഞ്ഞവർക്ക് അപേക്ഷിക്കാം

പ്രവൃത്തിപരിചയം സംബന്ധിച്ച കൂടുതൽ വിവരങ്ങൾക്ക് www.nielit.gov.in/delhi എന്ന വെബ്സൈറ്റ് കാണുക.
ഐടി ട്രെയിനിങ് ആൻഡ് സപ്പോർട്ട് എക്സിക്യൂട്ടീവ് തസ്തികയിലേക്ക് തെരഞ്ഞെടുക്കപ്പെടുന്നവർക്ക് 44,900 രൂപ ആയിരിക്കും അടിസ്ഥാന ശമ്പളം . പ്രോഗ്രാമർ അസിസ്റ്റന്റ് ബി തസ്തികയിൽ ഉള്ളവരുടെ ശമ്പള സ്കൈൽ 21,634-27800 രൂപ നിരക്കിലാണ്

ഐടി മാനേജർ- 49,500 രൂപ ,സീനിയർ പ്രോഗ്രാമർ, സീനിയർ പ്രോഗ്രാമർ കെഒഎൽ- 38,500 രൂപ. സിസ്റ്റം അനലിസ്റ്റ്- 49,500 രൂപ, അസിസ്റ്റന്റ് പ്രോഗ്രാമർ ബി, അസിസ്റ്റന്റ് പ്രോഗ്രാമർ ബി കെഒഎൽ- 20,900 രൂപ, പ്രോഗ്രാമർ-33,000 രൂപ, നെറ്റ്‌വർക്ക് സ്പെഷലിസ്റ്റ്- 38,500 രൂപ പ്രോജക്ട്/ ടീം ലീഡ്-1,10,000 രൂപ എന്നിങ്ങനെ ശമ്പളം പ്രതീക്ഷിക്കാം
.
കൂടുതൽ വിവരങ്ങൾക്ക്: www.nielit.gov.in/delhi വെബ്സൈറ്റ് സന്ദർശിക്കുക