ബയോടെക്നോളജി പ്രവേശന പരീക്ഷയ്ക്ക് അപേക്ഷ 20 വരെ
രാജ്യത്തെ വിവിധ സര്വകലാശാലകളില് ബയോടെക്നോളജിയില് എംഎസ്സി, എംടെക് കോഴ്സുകള്ക്ക് ന്യൂഡല്ഹി ജവഹര്ലാല് നെഹ്റു സര്വകലാശാല നടത്തുന്ന അഖിലേന്ത്യ ബയോടെക്നോളജി പ്രവേശനപരീക്ഷയ്ക്ക് www.jnu.ac.in വെബ്സൈറ്റിലൂടെ ഓണ്ലൈനായി മാര്ച്ച് 20വരെ അപേക്ഷിക്കാം. പ്രവേശനപരീക്ഷ മെയ് 19ന്.
എംഎസ്സി ബയോടെക്നോളജി/എംഎസ്സി അഗ്രികള്ച്ചര് ബയോടെക്നോളജി/എംവിഎസ്സി ബയോടെക്നോളജി/എംടെക് ബയോടെക്നോളജി കോഴ്സുകളില് പ്രവേശനം ഈ പരീക്ഷയുടെ അടിസ്ഥാനത്തിലാണ്. കലിക്കറ്റ് സര്വകലാശാല, ന്യൂഡല്ഹി ജെഎന്യു ഉള്പ്പെടെ 29 സര്വകലാശാലകളില് എംഎസ്സി ബയോടെക്നോളജി കോഴ്സിനുള്ള യോഗ്യത: ബയോളജിക്കല് സയന്സ്, ഫിസിക്കല് സയന്സ്, ഫാര്മസി, അഗ്രികള്ച്ചര്, വെറ്ററിനറി സയന്സ്, ഫിഷറീസ് സയന്സ്, എന്ജിനിയറിങ്, ടെക്നോളജി, മെഡിസിന്, ഡെന്റിസ്ട്രി എന്നീ വിഷയങ്ങളിലേതിലെങ്കിലും കുറഞ്ഞത് 55 ശതമാനം മാര്ക്കോടെ ബിരുദമുള്ളവര്ക്ക് പ്രവേശനപരീക്ഷയ്ക്ക് അപേക്ഷിക്കാം. അവസാനവര്ഷ ബിരുദപരീക്ഷ എഴുതുന്നവര്ക്കും പ്രവേശനപരീക്ഷയെഴുതാം.
https://www.facebook.com/Malayalivartha