സ്റ്റീൽ മന്ത്രാലയത്തിന് കീഴിൽ റാഞ്ചിയിൽ പ്രവര്‍ത്തിക്കുന്ന മെക്കോൺ ലിമിറ്റഡിൽ വിവിധ ഒഴിവുകൾ. താത്പര്യമുള്ള ഉദ്യോഗാര്‍ഥികൾക്ക് മാര്‍ച്ച് 20 വരെ അപേക്ഷകൾ സമര്‍പ്പിക്കാം.

വിവിധ തസ്തികകളിലായി 179 ഒഴിവുകളാണ് ഉള്ളത്. എൻജിനീയറിങ് തസ്തികയിലേക്കുള്ള കരാര്‍ നിയമനത്തിനുള്ള തിരഞ്ഞെടുപ്പ് തത്സമയ അഭിമുഖം വഴിയായിരിക്കും. അതേസമയം, സ്ഥിര നിയമനത്തിലേക്കുള്ളവ ഓൺലൈനിലൂടെയാണ് അപേക്ഷിക്കേണ്ടത്.

വിവിധ തസ്തികയിലേക്കുള്ള ഒഴിവുകൾ ഇപ്രകാരം

എൻജിനീയറിങ് വിഭാഗം . ഈ വിഭാഗത്തിലേക്ക് കരാര്‍ നിയമനംആണ് . അതിനാൽ തത്സമയ അഭിമുഖം വഴിയായിരിക്കും തിരഞ്ഞെടുപ്പ്
മെക്കാനിക്കൽ വിഭാഗത്തിലേക്ക് 23 ഒഴിവുകൾ ഉണ്ട് ..സിവിൽ - 18 ,ഇലക്ട്രിക്കൽ - 18, ഇലക്ട്രോണിക്സ് - 12
ഇലക്ട്രോണിക്സ് ആൻഡ് കമ്മ്യൂണിക്കേഷൻ - 8, സേഫ്റ്റി - 4 ,സ്റ്റോര്‍ ഓഫീസര്‍ - 5, എസ്.എ.പി ഓഫീസര്‍ - 6
സിറ്റി ഗ്യാസ് ഡിസ്ട്രിബ്യൂഷൻ - 5 എന്നിങ്ങനെയാണ് വിവിധ വിഭാഗത്തിലേക്കുള്ള ഒഴിവുകൾ

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദമാണ് അപേക്ഷിക്കാനുള്ള യോഗ്യത.

ഇത് കൂടാതെ ഇനി പറയുന്ന തസ്തികകളിലേക്ക് നോൺ എൻജിനീയറിങ് വിഭാഗത്തിൽ നിന്നും നിയമനം ഉണ്ട് .അവ ഇങ്ങനെയാണ് ..

ഇൻസ്ട്രുമെൻ്റേഷൻ - 6 ഒഴിവുകൾ ,മാര്‍ക്കറ്റ് റിസര്‍ച്ച് - 2, കോൺട്രാക്ട് ആൻഡ് പര്‍ച്ചേസ് - 3 , സീനിയര്‍ കെമിസ്റ്റ് - 3 ,അസിസ്റ്റൻ്റ് പ്രോട്ടോകോൾ ഓഫീസര്‍ - 1, ഹ്യൂമൻ റിസോഴ്സ് - 4, സെക്രട്ടേറിയൽ സര്‍വീസ് - 6എന്നിങ്ങനെയാണ് ഒഴിവുകൾ

അപേക്ഷ

മെക്കോൺ ലിമിറ്റഡിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. തത്സമയ അഭിമുഖത്തിനുള്ള തീയതി ഇതുവരെ പുറപ്പെടുവിച്ചിട്ടില്ല. തത്സമയ അഭിമുഖത്തിന് എത്തുന്നവര്‍ റാഞ്ചിയിൽ മാറാൻ കഴിയുന്ന 500 രൂപയുടെ ഡിമാൻഡ് ഡ്രാഫ്റ്റ് കയ്യിൽ കരുതണം.

അതേസമയം, എൻജിനീയറിങ്, നോൺ എൻജിനീയറിങ് വിഭാഗത്തിൽ മാര്‍ച്ച് 3 വരെയും എക്സിക്യുട്ടീവ് വിഭാഗത്തിൽ മാര്‍ച്ച് 20 വരെയും അപേക്ഷകൾ സമര്‍പ്പിക്കാം.

അപേക്ഷാഫീസ്

എൻജിനീയറിങ്, നോൺ എൻജിനീയറിങ് വിഭാഗം - 500 രൂപയും എക്സിക്യുട്ടീവ് തസ്തികയിലേക്ക് 1000 രൂപയും അപേക്ഷ ഫീസുണ്ട്. വിശദ വിവരങ്ങൾ ഒഫീഷ്യൽ വെബ്സൈറ്റിൽ ലഭ്യമാണ്