മാർച്ച് 31 നു മുൻപേ അപേക്ഷ അയക്കേണ്ട ജോലി ഒഴിവുകൾ....നോർത്തേൺ കോൾഫീൽഡിൽ നാനൂറിലേറെ ഒഴിവുകൾ,അഡ്വാൻസ്ഡ് സിസ്റ്റംസ് ലബോറട്ടറിയിൽ 60 അപ്രന്റിസ്,ഐ.ടി.ഐക്കാർക്ക് ഡി.ആർ.ഡി.ഒയിൽ അവസരം,സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഒഫ് ഇന്ത്യയിൽ(സെബി) 147 അസിസ്റ്റന്റ് മാനേജർ
മാർച്ച് 31 നു മുൻപേ അപേക്ഷ അയക്കേണ്ട ധാരാളം ജോലി ഒഴിവുകൾ റിപ്പോർട്ട് ചെയ്യപ്പെട്ടിട്ടുണ്ട്.. അവയിൽ ചിലതാണ് ഇന്നത്തെ തൊഴിൽ ജാലകത്തിൽ പറയുന്നത്
നോർത്തേൺ കോൾഫീൽഡിൽ നാനൂറിലേറെ ഒഴിവുകൾ
കേന്ദ്ര മിനിരത്ന കമ്പനിയായ നോർത്തേൺ കോൾഫീൽഡ്സിൽ വിവിധ തസ്തികകളിലേക്ക് അപേക്ഷിക്കാം. മദ്ധ്യപ്രദേശിലെ സിങ്ഗ്രൗലി, ഉത്തർപ്രദേശിലെ സോനഭദ്ര എന്നിവിടങ്ങളിലേക്കാണ് അപേക്ഷ ക്ഷണിചിരിക്കുന്നത്.
വ്യത്യസ്ത വിജ്ഞാപനങ്ങളിലായി 495 ഒഴിവുകളുണ്ട്.
ഇതിൽ 307 ഒഴിവുകൾ ഓപ്പറേറ്റർ ട്രെയിനിയുടെതാണ്. ഡ്രാഗ് ലൈൻ-9, ഡോസർ-48, ഗ്രേഡർ-11, ഡമ്പർ-167, ഷോവൽ-28, പേ ലോഡർ-6, ക്രെയിൻ-21. ഡ്രിൽ-17 എന്നിങ്ങനെയാണ് ഓരോ വിഭാഗത്തിലെയും ഒഴിവുകളുടെ എണ്ണം.
യോഗ്യത: ഡ്രിൽ ഓപ്പറേറ്റർ വിഭാഗത്തിലേക്ക് പത്താംക്ലാസ്/എസ്.എസ്. സി.ഹൈസ്കൂൾ/ ഹയർ സെക്കൻർഡറിയാണ് അടിസ്ഥാന യോഗ്യത. മറ്റ് വിഭാഗങ്ങളിലേക്ക് ഇതിനുപുറമേ താഴെ പറയുന്ന സാങ്കേതിക യോഗ്യതകൾ കൂടി ഉണ്ടായിരിക്കണം.
www.nclcil.in എന്ന വെബ്സൈറ്റിലെ വിജ്ഞാപനം വായിച്ചു മനസ്സിലാക്കി ഇതേ വെബ്സൈറ്റ് വഴി അപേക്ഷ സമർപ്പിക്കണം. മാർച് 16 മുതൽ 30 വരെയാണ് അപേക്ഷിക്കാനുള്ള സമയം.
അഡ്വാൻസ്ഡ് സിസ്റ്റംസ് ലബോറട്ടറിയിൽ
ഹൈന്ദരാബാദിലെ എ.പി.ജെ. അബ്ദുൾ കലാം മിസൈൽ കോംപ്ലക്സിൽ പ്രവർത്തിക്കുന്ന അഡ്വാൻസ്ഡ് സിസ്റ്റംസ് ലബോറട്ടറിയിൽ 60 അപ്രന്റിസ് ഒഴിവ്.ഗ്രാജ്വേറ്റ്, ഡിപ്ലോമ, ട്രേഡ് അപ്രന്റിസ് എന്നിവയിലാണ് അവസരം. തപാലിലൂടെ അപേക്ഷ സമർപ്പിക്കണം.
മെറിറ്റിന്റെയും എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുപ്പ്. 2017 നു ശേഷം പഠനം കഴിഞ്ഞിറങ്ങിയവർക്കു മാത്രമാണ് അപേക്ഷിക്കാൻ അവസരം.
ബിരുദാനന്തരബിരുദമുള്ളവർക്ക് അപേക്ഷിക്കാൻ അർഹതയില്ല.
അപേക്ഷ സ്വീകരിക്കുന്ന അവസാന തീയതി: മാർച്ച് 27.അപേക്ഷിക്കുന്നതിനു മുൻപായി ഡിപ്ലോമ, ബിരുദക്കാർ: www.mhrdnats.gov.in എന്ന വെബ്സൈറ്റിലും ഐ.ടി.ഐ. വിഭാഗക്കാർ www.ncvtmis.gov.in എന്ന വെബ്സൈറ്റിൽ രജിസ്റ്റർ ചെയ്യണം
ഐ.ടി.ഐക്കാർക്ക് ഡി.ആർ.ഡി.ഒയിൽ അവസരം
ഡി ഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷനുകീഴിൽ ചെന്നൈയിലെ ആവഡിയിൽ പ്രവർത്തിക്കുന്ന കോംപാറ്റ് വെഹിക്കിൾസ് റിസർച്ച് ആൻഡ് ഡവലപ്മെന്റ് എസ്റ്റാബ്ലിഷ്മെന്റിൽ വിവിധ ട്രേഡുകളിലായി 116 അപ്രന്റിസ് ഒഴിവ്.
കാർപ്പെന്റർ -2, കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ് -23, ഡ്രോട്സ്മാൻ (മെക്കാനിക്കൽ) -5, ഇലക്ട്രീഷ്യൻ -20, ഇലക്ട്രോണിക്സ് -2, ഫിറ്റർ -33, മെഷീനിസ്റ്റ് -11, മെക്കാനിക് (മോട്ടോർ വെഹിക്കിൾ) -5, പെയിന്റർ -2, പ്ലംബർ -2, ടർണർ -5, വെൽഡർ-6 എന്നിങ്ങനെയാണ് ഒഴിവുകൾ.യോഗ്യത: ബന്ധപ്പെട്ട ട്രേഡിൽ എൻ.സി.വി.ടി./സ്കിൽ സർട്ടിഫിക്കറ്റ്. എൻ.സി.വി.ടിയുടെ എം.ഐ.എസ് പോർട്ടൽ രജിസ്ട്രേഷൻ ഉണ്ടായിരിക്കണം.പ്രായപരിധി: 18-27 വയസ്സ്. സംവരണ വിഭാഗങ്ങൾക്ക് നിയമാനുസൃത വയസ്സിളവ് ലഭിക്കും.
അപേക്ഷ സ്വീകരിക്കുന്ന അവസാനതീയതി - മാർച്ച് 26.വിശദവിവരങ്ങൾക്ക് www.rac.gov.inസന്ദർശിക്കുക.
സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഒഫ് ഇന്ത്യയിൽ
സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഒഫ് ഇന്ത്യയിൽ(സെബി) 147 അസിസ്റ്റന്റ് മാനേജർ ഒഴിവുകളിലേക്ക് അപേക്ഷ ക്ഷണിച്ചു. ജനറൽ, ലീഗൽ, ഇൻഫോർമേഷൻ ടെക്നോളജി, എൻജിനീയറിങ്, റിസർച്ച്, ഒഫീഷ്യൽ ലാംഗ്വേജ് എന്നീ സ്ട്രീമുകളിലാണ് ഒഴിവുകൾ. മാർച്ച് 23 വരെ അപേക്ഷിക്കാം. മൂന്നുഘട്ടങ്ങളായാണ് തിരഞ്ഞെടുപ്പ്. ആദ്യ രണ്ടു ഘട്ടങ്ങളിൽ കംപ്യൂട്ടർ അധിഷ്ഠിത പരീക്ഷയും മൂന്നാഘട്ടത്തിൽ അഭിമുഖവും നടത്തും. കേരളത്തിൽ കൊച്ചി, കോഴിക്കോട്, തിരുവനന്തപുരം എന്നിവയാണ് പരീക്ഷാ കേന്ദ്രങ്ങൾ.
യോഗ്യരായ ഉദ്യോഗാർഥികൾ sebi.gov.in എന്ന വെബ്സൈറ്റിലൂടെ അപേക്ഷ സമർപ്പിക്കണം. ഉദ്യോഗാർത്ഥികൾക്ക് രണ്ടിലധികം സ്ട്രീമുകളിലേക്ക് അപേക്ഷിക്കാനാകില്ല. ഓരോന്നിനും പ്രത്യേകം പ്രത്യേകം അപേക്ഷ സമർപ്പിക്കണം. ഏപ്രിൽ 12-നാകും ഒന്നാംഘട്ട പരീക്ഷ. മേയ് മൂന്നിന് രണ്ടാം ഘട്ട പരീക്ഷയും നടക്കും.
https://www.facebook.com/Malayalivartha