ഉയർന്ന ശമ്പളത്തിൽ ജർമനിയിൽ ജോലി നേടാൻ ആഗ്രഹിക്കുന്നവരാണോ നിങ്ങൾ. എന്നാൽ നിങ്ങൾക്കായി ഒഡെപെക് ഒരു സുവർണാവസരം ഒരുക്കുകയാണ്. ടൗൺ എംപ്ലോയ്മെന്റ് എക്സ്ചേഞ്ച് സർക്കാർ സ്ഥാപനമായ ഒഡെപെക്മായി ചേർന്ന് ജർമ്മനിയിലേക്ക് നഴ്സുമാരുടെ സൗജന്യ റിക്രൂട്ട്മെന്റ് സംഘടിപ്പിക്കുകയാണ്. 500 ഒഴിവുകളാണുള്ളത്. ജനറൽ നഴ്‌സിംഗിൽ ഡിപ്ലോമയോ ബിരുദമോ ഉള്ളവർക്ക് അപേക്ഷിക്കാവുന്നതാണ്. പ്രതിമാസം 2400 യൂറോ മുതൽ 4000 യൂറോ വരെയാണ് ശമ്പളം. അതായത് 2.12 ലക്ഷം മുതൽ 3.5 ലക്ഷം രൂപ വരെ ശമ്പളം ലഭിക്കുന്നതാണ്. വിസയും വിമാന ടിക്കറ്റും സൗജന്യമായിരിക്കും. 40 വയസ്സ് വരെയാണ് അപേക്ഷിക്കാനുള്ള പരമാവധി പ്രായപരിധി. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് ജർമ്മൻ ഭാഷ എ1 മുതൽ ബി2 വരെ പരിശീലനം സൗജന്യമായി നൽകുന്നുന്നതാണ്. കൂടാതെ ബി1 അല്ലെങ്കിൽ ബി2 പരിശീലന സമയത്ത് സ്റ്റൈപ്പൻഡും നൽകും. ജർമൻ ഭാഷയിൽ ബി1 അല്ലെങ്കിൽ ബി2 അംഗീകൃത പരീക്ഷ പാസായവർക്കും അപേക്ഷിക്കാവുന്നതാണ്. കൂടാതെ ആകർഷകമായ ശമ്പളവും സൗജന്യ വിസയും വിമാന ടിക്കറ്റും ലഭിക്കുന്നതായിരിക്കും.

സ്ഥലം:- ഒഡെപെക്, നാലാം നില, ഇൻകെൽ ടവർ 1, ടെൽക്കിന് സമീപം, അങ്കമാലി സൗത്ത് . താൽപര്യമുള്ള ഉദ്യോഗാർത്ഥികൾ നവംബർ ആറാം തിയതി രാവിലെ 8.30 ന് റിപ്പോർട്ട് ചെയ്യണം. പുരുഷൻമാർക്കും സ്ത്രീകൾക്കും അപേക്ഷിക്കാം. ഉദ്യോഗാർത്ഥികൾ ഇന്റർവ്യൂവിന് ഹാജരാകുമ്പോൾ അവരുടെ ഒറിജിനലും യോഗ്യതാ സർട്ടിഫിക്കറ്റുകളുടെ പകർപ്പും കൊണ്ടുവരണം. വിശദവിവരങ്ങൾക്ക് വേണ്ടി
0471 2329440 എന്ന നമ്പറിൽ ബന്ധപ്പെടാവുന്നതാണ്.

അതേസമയം, നോർക്ക റൂട്ട്‌സ് യു.കെ കരിയർ ഫെയറിന്റെ മൂന്നാമത് എഡിഷൻ ആറാം തീയതി മുതൽ പത്തു വരെ കൊച്ചിയിൽ നടക്കും. കേരളത്തിലെ ആരോഗ്യമേഖലയിൽ നിന്നുളളവർക്ക് ഇംഗ്ലണ്ടിലേയും, വെയിൽസിലേയും വിവിധ എൻ.എച്ച്.എസ് ട്രസ്റ്റുകളിലേയ്ക്ക് അവസരമൊരുക്കുന്നതാണ് കരിയർ ഫെയർ.

ഇംഗ്ലണ്ടിലേക്കുള്ള ഡോക്ടർമാരാണെങ്കിൽ : സൈക്രാട്രി വിഭാഗത്തിൽ ഡോക്ടർമാർക്ക് നിരവധി അവസരങ്ങളാണ് യുകെയിലുളളത്. ബിരുദാനന്തര ബിരുദത്തിനു ശേഷം നാലുവർഷത്തെ പ്രവൃത്തി പരിചയം വേണം. ഇതിൽ രണ്ടു വർഷക്കാലം അധ്യാപന പരിചയമുളളവർക്ക് മുൻഗണന ലഭിക്കും. പി ലാബ് യോഗ്യത ആവശ്യമില്ല. അഭിമുഖ സമയത്ത് യു കെ സ്കോർ നിർബന്ധമില്ല. നിയമനം ലഭിച്ചാൽ പ്രസ്തുതഭാഷാ യോഗ്യത നേടേണ്ടതാണ്.

വെയിൽസിലെ ഡോക്ടറാണെങ്കിൽ : ജനറൽ മെഡിസിനിലോ, ഓങ്കോളജിയിലോ ബിരുദാനന്തര ബിരുദം. മൂന്നു വർഷത്തെ പ്രവർത്തി പരിചയം. പി ലാബ് നിർബന്ധമില്ല. സ്‌പോൺസർഷിപ്പിലൂടെ യു.കെയിൽ രജിസ്‌ട്രേഷൻ നേടാൻ അവസരം. അഭിമുഖഘട്ടത്തിൽ യു കെ സ്കോർ. യോഗ്യത അനിവാര്യമല്ല. തെരഞ്ഞെടുക്കപ്പെട്ടാൽ പ്രസ്തുത യോഗ്യത നേടേണ്ടതാണ്.

താത്പര്യമുള്ള ഉദ്യോഗാർത്ഥികൾ www.nifl.norkaroots.org എന്ന വെബ്‌സൈറ്റിൽ ലഭ്യമായ ലിങ്കിലൂടെ അപേക്ഷിക്കാവുന്നതാണ്. സംശയനിവാരണത്തിന് 24 മണിക്കൂറും പ്രവർത്തിക്കുന്ന 1800 4253 939 നമ്പറിൽ ഇന്ത്യയിൽ നിന്നും +91 8802012345 വിദേശത്തു നിന്നും ബന്ധപ്പെടാവുന്നതാണ്. ഇ-മെയിൽ uknhs.norka@kerala.gov.in