ജില്ലയില്‍ ഹോമിയോപ്പതി വകുപ്പിന് കീഴിലെ വിവിധ സ്ഥാപനങ്ങളില്‍ നഴ്‌സ്, ഫാര്‍മസിസ്റ്റ്, അറ്റന്‍ഡര്‍ തസ്തികകളില്‍ നിലവിലുളള ഒഴിവുകളിലേക്ക് ദിവസവേതനാടിസ്ഥാനത്തില്‍ ജീവനക്കാരെ നിയമിക്കുന്നു.
ഈ മാസം 23, 24 തീയതികളില്‍ കാഞ്ഞങ്ങാട് ജില്ലാ ഹോമിയോ മെഡിക്കല്‍ ഓഫീസില്‍ നടക്കുന്ന എഴുത്തുപരീക്ഷയുടെയും ഇന്റര്‍വ്യൂവിന്റെയും അടിസ്ഥാനത്തിലായിരിക്കും നിയമനം. പി എസ് സി അംഗീകരിച്ചിട്ടുളള സ്ഥാപനങ്ങളില്‍ നിന്നുളള ജി എന്‍ എം ആണ് നഴ്‌സ് തസ്തികയുടെ അടിസ്ഥാന യോഗ്യത. ഹോമിയോ മേഖലയിലുളള പ്രവൃത്തിപരിചയം അധികയോഗ്യതയായിരിക്കും. ഇതിലേക്കുളള എഴുത്തു പരീക്ഷയും അഭിമുഖവും 23 ന് രാവിലെ 11 മണിക്കാണ്. അറ്റന്‍ഡര്‍ തസ്തികയിലേക്കുളള എഴുത്തു പരീക്ഷയും അഭിമുഖവും 24 ന് രാവിലെ 9 മണിക്ക് നടക്കും. പത്താം ക്ലാസ് വിജയിച്ചവര്‍ക്ക് പങ്കെടുക്കാം. എ ക്ലാസ് ഹോമിയോപ്പതി ഡോക്ടറോടൊപ്പം രണ്ട് വര്‍ഷത്തില്‍ കുറയാത്ത സേവനപരിചയവും ഉണ്ടായിരിക്കണം.

കേരള സര്‍ക്കാര്‍ അംഗീകൃത നഴ്‌സ് കം ഫാര്‍മസിസ്റ്റ് കോഴ്‌സ് വിജയിച്ചവര്‍ക്ക് ഫാര്‍മസിസ്റ്റ് ഇന്റര്‍വ്യൂവില്‍ പങ്കെടുക്കാം. 24 ന് ഉച്ചയ്ക്ക് ശേഷം രണ്ട് മണിക്കാണ് ഇന്റര്‍വ്യൂ. ഹോമിയോപ്പതി മേഖലയിലുളള പ്രവൃത്തിപരിചയം എല്ലാ തസ്തികകള്‍ക്കും അധികയോഗ്യതയായി പരിഗണിക്കും. എഴുത്തു പരീക്ഷയിലും അഭിമുഖത്തിലും പങ്കെടുക്കാന്‍ താല്‍പര്യമുളള പതിനെട്ട് വയസ്സ് പൂര്‍ത്തിയായ ഉദ്യോഗാര്‍ത്ഥികള്‍ അതത് ദിവസങ്ങളില്‍ പറഞ്ഞിരിക്കുന്ന സമയത്ത് വയസ്സ്, യോഗ്യത എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ഒറിജിനലും പകര്‍പ്പും സഹിതം കാഞ്ഞങ്ങാടുള്ള ജില്ലാ ഹോമിയോ മെഡിക്കല്‍ ഓഫീസില്‍ എത്തിച്ചേരണം

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha