റിസര്‍വ് ബാങ്ക് ഓഫ് ഇന്ത്യ ഓഫിസര്‍ ഗ്രേഡ് ബി (ജനറല്‍) തസ്തികയിലെ 163 ഒഴിവുകളിലേക്ക് അപേക്ഷ ക്ഷണിച്ചു.ഓണ്‍ലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി ഓഗസ്റ്റ് ഒന്‍പത്. തസ്തിക: ഓഫിസര്‍ ഗ്രേഡ് ബി- ജനറല്‍ (ഡയറക്ട് റിക്രൂട്ട്‌മെന്റ്) ഒഴിവ്: 163 (ജനറല്‍-77, എസ്‌സി-26, എസ്ടി-8,ഒബിസി-52). 
അംഗപരിമിതര്‍ക്കു ആറ് ഒഴിവുകളില്‍ സംവരണം.
ശമ്പളം:35150– 62400 രൂപ 
യോഗ്യത: കുറഞ്ഞത് 60% മാര്‍ക്കോടെ ഒന്നാം ക്ലാസ് ബിരുദം/തത്തുല്യം . പന്ത്രണ്ട്, പത്ത് ക്ലാസുകളിലും 60 % മാര്‍ക്ക് നേടിയവരാകണം. പട്ടികവിഭാഗത്തിനും വികലാംഗര്‍ക്കും 50% മാര്‍ക്ക് മതി.
പ്രായം:21-30 വയസ് (1986 ജൂലൈ രണ്ടിനും 1995 ജൂലൈ ഒന്നിനും മധ്യേ ജനിച്ചവരാകണം).എഴുത്തുപരീക്ഷ (രണ്ടു ഘട്ടം), ഇന്റര്‍വ്യൂ എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. 
സെപ്റ്റംബര്‍ നാലിനാണ് പ്രിലിമിനറി പരീക്ഷ. കണ്ണൂര്‍, കാസര്‍കോട്, കൊച്ചി, ആലപ്പുഴ, കോട്ടയം, പത്തനംതിട്ട, കോഴിക്കോട്, മലപ്പുറം, തൃശൂര്‍, പാലക്കാട്, തിരുവനന്തപുരം, കൊല്ലം, നാഗര്‍കോവില്‍ എന്നിവിടങ്ങളില്‍ പരീക്ഷാകേന്ദ്രമുണ്ട്. ആദ്യഘട്ട പരീക്ഷയില്‍ വിജയിക്കുന്നവര്‍ക്ക് സെപ്റ്റംബര്‍ 19ന് ഒബ്‌ജെക്ടീവ് ആന്‍ഡ് ഡിസ്‌ക്രിപ്റ്റീവ് പരീക്ഷ നടത്തും. കൊച്ചിയും തിരുവനന്തപുരവും പരീക്ഷാ കേന്ദ്രങ്ങളാണ്. 
അപേക്ഷാഫീസ്: ജനറല്‍, ഒബിസി വിഭാഗത്തിന് 850 രൂപ. പട്ടികവിഭാഗം, വികലാംഗര്‍ക്കു 100 രൂപ മതി. അപേക്ഷിക്കേണ്ട വിധം: www.rbi.org.in 
എന്ന വെബ്‌സൈറ്റ് വഴി ഓണ്‍ലൈന്‍ റജിസ്‌ട്രേഷന്‍ നടത്തണം. വിശദവിവരങ്ങള്‍ക്ക് വെബ്‌സൈറ്റ് കാണുക.