വനിതകള്‍ക്ക് വ്യോമസേനയില്‍ മെറ്റിയറോളജി ബ്രാഞ്ചില്‍ കമീഷന്‍ഡ് ഓഫിസറാകാന്‍ അവസരം. 46 ഷോര്‍ട്ട് സര്‍വീസ് കമീഷന്‍ കോഴ്സുകളിലേക്കാണ് അപേക്ഷ ക്ഷണിച്ചത്. 1990 ജനുവരി രണ്ടിനും 1995 ജനുവരി ഒന്നിനും ഇടയില്‍ ജനിച്ചവര്‍ക്ക് അപേക്ഷിക്കാം (2015 ജനുവരി ഒന്നിന് 20നും 25നും ഇടയില്‍ പ്രായം). യോഗ്യത നിര്‍ദേശിക്കുന്ന വിഷയത്തില്‍ ഗവേഷണ ബിരുദം നേടിയവര്‍ക്ക് 27 ആണ് ഉയര്‍ന്ന പ്രായം. മാത്തമാറ്റിക്സ്/സ്റ്റാറ്റിസ്റ്റിക്സ്/ജ്യോഗ്രഫി/കമ്പ്യൂട്ടര്‍ ആപ്ളിക്കേഷന്‍/എന്‍വയണ്‍മെന്‍റല്‍ സയന്‍സ്/അപൈ്ളഡ് ഫിസിക്സ്/ഓഷ്യാനോഗ്രഫി/മെറ്റിയറോളജി/അഗ്രികള്‍ചറല്‍ മെറ്റിയറോളജി, ഇക്കോളജി ആന്‍ഡ് എന്‍വയണ്‍മെന്‍റ്/ജിയോഫിസിക്സ്/ എന്‍വയണ്‍മെന്‍റല്‍ ബയോളജി/മറ്റു ശാസ്ത്ര വിഷയങ്ങളിലെ ബിരുദാനന്തര ബിരുദം. ബിരുദതലത്തില്‍ മാത്സിനും ഫിസിക്സിനും 55 ശതമാനത്തില്‍ കുറയാത്ത മാര്‍ക്ക് വേണം. അവസാനവര്‍ഷ പരീക്ഷയെഴുതുന്നവര്‍ക്കും അപേക്ഷിക്കാം.ഇന്‍റലിജന്‍സ് ടെസ്റ്റ്, ഇന്‍റര്‍വ്യൂ, ഗ്രൂപ് ഡിസ്കഷന്‍ എന്നിവയുടെ അടിസ്ഥാനത്തിലാണ് നിയമനം. www.careerairforce.nic.in, www.indianairforce.nic.in വെബ്സൈറ്റുകളില്‍ വിജ്ഞാപനവും അപേക്ഷാഫോറവും ലഭിക്കും. പൂരിപ്പിച്ച അപേക്ഷ രേഖകള്‍ സഹിതം POST BAG NO. 001, NIRMAN BHAVAN POST OFFICE, NEWDELHI-110106 എന്ന വിലാസത്തില്‍ മാര്‍ച്ച് 21നു മുമ്പായി അയക്കുക.