ലോകം ചുറ്റിക്കറങ്ങാനും കാഴ്ചകൾ കാണാനും ആഗ്രഹിക്കാത്തവരും ഇഷ്ടമല്ലാത്തവരും ഉണ്ടാവില്ല എന്നുതന്നെ പറയാം. കൈയ്യില്‍ നിന്ന് അഞ്ചു പൈസ ചെലവില്ലാതെ സൗജന്യമായി ലോകം ചുറ്റാന്‍ അവസരം ലഭിക്കുന്നതിലും സന്തോഷം മറ്റെന്തുണ്ട്. എല്ലാ ചെലവുകളും വഹിച്ചു കൊണ്ടൊരു കമ്പനി നിങ്ങള്‍ക്ക് ഒരു ജോലി തന്നാലോ?. ശമ്പളത്തോട് കൂടി യാത്ര ചെയ്യാന്‍ ആരെങ്കിലും ക്ഷണിച്ചാലോ? അതും 6,50,000 രൂപ ശമ്പളത്തോട് കൂടി.
ആഢംബര വെക്കേഷന്‍ ഹോം സ്റ്റേ കമ്പനിയായ തേഡ് ഹോം എന്ന ഇറ്റാലിയന്‍ കമ്പനിയാണ് ലോകം ചുറ്റി ഓരോ കാഴ്ചകളും കണ്ട് അഭിപ്രായം രേഖപ്പെടുത്താനായാണ് ഉദ്യോഗാര്‍ത്ഥികളെ ക്ഷണിച്ചിരിക്കുന്നത്. തങ്ങളുടെ ഫെയ്‌സ്ബുക്ക് പേജിലാണ് കമ്പനി അറിയിപ്പ് നല്‍കിയിരിക്കുന്നത് . ശമ്പളമാണെങ്കില്‍ 10,000 യുഎസ് ഡോളറും. അതായത് ഏകദേശം 6,53,000 രൂപ. എങ്ങനെയുണ്ട് ?ലോകത്തെ ഏറ്റവും മികച്ച ജോലി എന്ന അടിക്കുറിപ്പോടെയാണ് കോണ്‍ട്രാക്ട് പ്രകാരം അപേക്ഷകള്‍ ക്ഷണിക്കുന്നത്. മാര്‍ച്ച് 30ന് മുമ്പാണ് അപേക്ഷ ഓണ്‍ലൈനായി സമര്‍പ്പിക്കേണ്ടത്. കോണ്‍ട്രാക്ട് അടിസ്ഥാനത്തില്‍ മൂന്ന് മാസത്തേക്കായിരിക്കും നിയമനം. ലോകത്തിലാകെ കോടിക്കണക്കിന് രൂപ ചിലവുള്ള ആഡംബരയാത്ര നടത്തലാണ് ജോലി. അതും സൗജന്യമായി. ഒപ്പം പ്രതിമാസം പത്തായിരം ഡോളര്‍ ശമ്പളവും ലഭിക്കും.