ഭാരത് ഇലക്ട്രോണിക്സ് ലിമിറ്റഡിൽ പ്രബേഷനറി എൻജിനീയർ തസ്തികയിൽ 66 ഒഴിവുണ്ട്. ഇലക്ട്രോണിക്സ് (33), മെക്കാനിക്കൽ (20), കമ്പ്യൂട്ടർ സയൻസ് (10), സിവിൽ (മൂന്ന്) എന്നിങ്ങനെയാണ് ഒഴിവ്.
എ.ഐ.സി.ടി.ഇ അംഗീകരിച്ച സ്ഥാപനങ്ങളിൽനിന്ന് ലഭിച്ച ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ/ ഇലക്ട്രോണിക്സ് ആൻഡ് ടെലികമ്യൂണിക്കേഷൻ/ കമ്യൂണിക്കേഷൻ/ടെലികമ്യൂണിക്കേഷൻ/മെക്കാനിക്കൽ/കമ്പ്യൂട്ടർ സയൻസ്/കമ്പ്യൂട്ടർ സയൻസ് ആൻഡ് എൻജിനീയറിങ്/സിവിൽ എൻജിനീയറിങ് ബിരുദമാണ് യോഗ്യത.
ഉയർന്ന പ്രായപരിധി 25 വയസ്സ്, 2017 ഏപ്രിൽ ഒന്ന് അടിസ്ഥാനത്തിലാണ് പ്രായം കണക്കാക്കുക. 16,400-40,500 നിരക്കിലാണ് ശമ്പളം ലഭിക്കുക. എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലാണ് നിയമനം. ജൂലൈ രണ്ടിനാണ് എഴുത്തുപരീക്ഷ. ഡൽഹി, മുംബൈ, കൊൽക്കത്ത, ബംഗളൂരു എന്നിവിടങ്ങളിലാണ് പരീക്ഷ നടത്തുക. ജൂലൈ 24ന് ഫലം പ്രഖ്യാപിക്കും.
ജനറൽ/ഒ.ബി.സി വിഭാഗത്തിലുള്ളവർക്ക് 500 രൂപയാണ് ഫീസ്. എസ്.സി/എസ്.ടി/ഭിന്നശേഷിക്കാർക്ക് ഫീസില്ല. ഓൺലൈനായി ഫീസ് അടക്കാം.
http://bel-india.com എന്ന വെബ്സൈറ്റ് വഴി മേയ് 11 വരെ അപേക്ഷിക്കാം. വിശദവിവരം വെബ്സൈറ്റിൽ.