ദുബായിയിൽ സർക്കാർ ജോലി നേടിയെടുക്കാൻ ഇനി എളുപ്പം സാധിക്കും. കഴിവും, പ്രാപ്തിയുമുള്ള ആളുകളെ സർക്കാർ മേഖലയിലേക്ക് ആകർഷിക്കുക എന്ന ലക്ഷ്യത്തോടെ dubai careers.ae എന്ന വെബ് സൈറ്റിന് തുടക്കം കുറിച്ചു. Linkd in, ഒറാക്കിളും ആയി സഹകരിച്ചാണ് സ്മാർട്ട് ദുബൈയുടെ ഭാഗമായ ഈ പുതിയ സംരംഭം തുടങ്ങിയത്. ഇനിമുതൽ ജോലി അന്വേഷിക്കുന്നതും റിക്രൂട്ടിട്മെന്റുമെല്ലാം ഒറ്റ ക്ലിക്കിലൂടെ സാധ്യമാകുന്ന രീതിയിലാണ് ഈ പുതിയ പദ്ധതി ആവിഷ്കരിച്ചിരിക്കുന്നത്.
തൊഴിൽ രംഗത്ത് മുൻ പരിചയമുള്ളവർക്ക് പുറമെ പുതുതായി പഠിച്ചിറങ്ങിയവർക്കും യോഗ്യതക്കനുയോജ്യമായ ജോലി ഈ വെബ്സൈറ്റ് വഴി കണ്ടെത്താനാവും. 2071 ൽ ദൂബൈയെ ലോകത്തെ ഏറ്റവും മികച്ച സ്മാർട്ട് സിറ്റിയാക്കി മാറ്റുക എന്ന വിഷന്റെ ഭാഗമായി ജോലി അന്വേഷിക്കുന്ന സ്വദേശികൾക്കും, യു.എ.ഇക്കകത്തും പുറത്തുമുള്ളവർക്കും സർക്കാർ സഹായത്തോടെ അവസരമൊരുക്കുകയും അവരുടെ കഴിവുകൾ ഈ മേഖലകളിൽ ഉപയോഗപ്പെടുത്തുകയും ചെയ്യുക എന്നതാണ് ലക്ഷ്യം.
സോഷ്യൽ മീഡിയയിലൂടെ സ്വയം പ്രചരണം നടത്തി കരിയർ വളർത്തിയെടുക്കാൻ ശ്രമിക്കുന്ന പുതു തലമുറക്ക് തീർച്ചയായും ഇത് നല്ലൊരു പ്ലാറ്റ്ഫോമാണെന്ന് ദുബൈ സ്മാർട്ട് ഒാഫീസ് ഡയറക്ർ ജനറൽ ഡോ: ആയിശാ ബിൻത് ബുത്തി ബിൻ ബിഷ്ർ പറഞ്ഞു. തൊഴിൽ മേഖലകളിൽ പുതുതായി പഠിച്ചിറങ്ങിയ ബിരുദക്കാരെയാണ് ആവശ്യം.സ്വകാര്യ മേഖലകളിലെ ഒഴിവുകളിലേക്കും ഇത് പിന്നീട് ഉപയോഗപ്പെടുത്തും.
അപേക്ഷകർക്ക് നേരിട്ട് ഈ സൈറ്റിൽ രജിസ്ട്രർ ചെയ്യാം. പ്രൊഫൈൽ പ്രത്യേകം യൂനിവേഴ്സൽ പോർട്ട് ഫോളിയോ ആക്കി ഒന്നിലധികം ഒഴിവുകളിലേക്ക് ഉപയോഗിക്കാം. സുഹൃത്തിനെയോ, ബന്ധുവിനെയോ അവർക്ക് യോജിച്ച അവസരങ്ങrളിലേക്ക് Linkd in ലൂടെ ശുപാർശ ചെയ്യാനുള്ള അവസരവും ലഭ്യമാണ്. തൊഴിൽ ദാതാവിന് ഉദ്യോഗാർത്ഥിയെ ഏതവസരത്തിലും വീഡിയോ ഇന്റർവ്യൂ നടത്താനും ഇതിലൂടെ കഴിയുന്നു. ഇങ്ങനെ റിക്രൂട്ട്മെന്‍റ് ചിലവു കുറഞ്ഞതും, കൂടുതൽ എളുപ്പവും ആക്കിത്തരുന്നു. രജിസ്റ്റർ ചെയ്യാനായി താഴെ പറയുന്ന ലിങ്കിൽ ക്ളിക്ക് ചെയ്താൽ മതി.
https://www.dubaicareers.ae/en/Pages/default.aspx