ബഹിരാകാശത്തു നിന്നും ശുഭാംശു ശുക്‌ള പ്രധാനമന്ത്രി നരേന്ദ്ര മോദിയോട് ...
സ്പേസ് സ്റ്റേഷനിലിരുന്ന് ശുഭാംശു ശുക്‌ള പ്രധാനമന്ത്രി നരേന്ദ്ര മോദിയോട് ഹോ... എത്ര സുന്ദരം, ഇവിടുന്ന് നോക്കുമ്പോള്‍ ഇന്ത്യയെന്നു പറഞ്ഞു. 140 കോടി ജനങ്ങളുടെ അഭിമാനവും ആവേശവുമാണ് താങ്കള്‍. ബഹിരാകാശത്തില്‍ ദേശീയപതാക പാറിച്ചതില്‍ അഭിനന്ദനങ്ങള്‍ - മോദി മറുപടി നല്‍കി.
ബഹിരാകാശ നിലയത്തിലെത്തിയതിന്റെ രണ്ടാംനാള്‍ പ്രധാനമന്ത്രിയുമായി വീഡിയോ സ്ട്രീമിംഗില്‍ സംസാരിക്കുകയായിരുന്നു ശുഭാംശു. ഇപ്പോള്‍ പുറത്തേക്ക് നോക്കുമ്പോള്‍ ഞങ്ങള്‍ ഹവായിയുടെ മുകളിലാണ്. അതിര്‍ത്തികളില്ല, രാജ്യങ്ങളില്ല, ഭൂമി ഒന്നാണെന്ന് തോന്നും. അങ്ങയുടെ നേതൃത്വത്തില്‍ രാജ്യത്തിന് പ്രതീക്ഷകള്‍ നിറവേറ്റാന്‍ നിരവധി അവസരം കിട്ടുന്നു. ഇന്ത്യയെ പ്രതിനിധീകരിക്കുന്നതില്‍ അഭിമാനം തോന്നുന്നെന്നും ശുഭാംശു പറഞ്ഞു. .താങ്കളിപ്പോള്‍ ജന്മനാട്ടില്‍ നിന്ന് ഏറെ അകലെയാണ്. എന്നാല്‍ മുഴുവന്‍ ഭാരതീയരുടെയും ഹൃദയത്തിലുണ്ടെന്ന് മോദി ഓര്‍മ്മിപ്പിച്ചു .'ശുഭം' എന്നത് താങ്കളുടെ പേരിലുണ്ട്. താങ്കളുടെ യാത്ര പുതിയ യുഗത്തിന്റെ ശുഭാരംഭം കൂടിയാണ്. ഈസമയം നമ്മള്‍ രണ്ടുപേരും മാത്രമാണ് സംസാരിക്കുന്നതെങ്കിലും എന്റെ ശബ്ദത്തില്‍ എല്ലാ ഇന്ത്യക്കാരുടെയും ആവേശമുണ്ടെന്നും പറഞ്ഞു.മോദി: യുവാക്കള്‍ക്ക് എന്ത് സന്ദേശം നല്കുന്നു
ശുഭാംശു: വലിയ സ്വപ്നങ്ങള്‍ കാണണം.വിജയത്തിലേക്ക് ഒന്നല്ല, പല വഴികളുണ്ട്. പരിശ്രമം തുടരണം. ചന്ദ്രയാന്റെ വിജയത്തോടെഷം യുവജനങ്ങളുടെ പ്രതീക്ഷ വലിയരീതിയില്‍ ഉയര്‍ന്നു. സ്‌പെയ്‌സ് സ്റ്റേഷന്‍യാത്രയോടെ അത് കൂടുതല്‍ വര്‍ദ്ധിക്കുകയും ചെയ്തു. ഭാവി പരീക്ഷണങ്ങള്‍ക്കും ഇത് വളരെയേറെ പ്രചോദനമാകുന്നതാണ്.
https://www.facebook.com/Malayalivartha
