ദിലീപിന്റെയും മഞ്ജുവിന്റെയും മകള്‍ മീനാക്ഷി ഡോക്ടര്‍ ആയതിന് പിന്നാലെയായിരുന്നു ആരാധകര്‍ക്ക് ഏറെ സന്തോഷം നല്‍കുന്ന ഒരു വാര്‍ത്തയും പുറത്തുവന്നത്. മകളെ ഫോളോ ചെയ്യുന്ന അമ്മ മഞ്ജു വാര്യര്‍. അമ്മയെ ഫോളോ ചെയ്യുന്ന മീനാക്ഷി. മിക്ക മാധ്യമങ്ങളിലും വാര്‍ത്തകള്‍ നിറയുകയും ചെയ്തു. എന്നാലിപ്പോഴിതാ മീനാക്ഷിയുടെ ഫോളോ ലിസ്റ്റ് എടുത്താല്‍ മഞ്ജുവിനെ കാണാന്‍ ഇല്ല. അമ്മയുടെ ലിസ്റ്റില്‍ മകള്‍ ഉണ്ടുതാനും. എന്നാല്‍ അമ്മയെ മാത്രമല്ല അമ്മാവനെയും ഫോളോ ലിസ്റ്റില്‍ നിന്നും മീനാക്ഷി ഒഴിവാക്കിയിരിക്കുകയാണ്.

പൊതുവെ മാധ്യമങ്ങളില്‍ നിന്നും കാമറ കണ്ണുകളില്‍ നിന്നൊക്കെ അകലം പാലിക്കുന്ന ആളാണ് മീനാക്ഷി. ഒരുപക്ഷെ ഒരുപാട് വാര്‍ത്തകള്‍ വന്നതോടെ ചര്‍ച്ചകള്‍ നില്ക്കാന്‍ വേണ്ടി അണ്‍ ഫോളോ ചെയ്തതും ആകാം. ഇത്രയൊക്കെ ചര്‍ച്ച ആകും എന്നൊരിക്കലും ഓര്‍ത്തുകാണില്ല എന്നൊക്കെയും ആരാധകര്‍ പറയുന്നുണ്ട്.

എന്നിരുന്നാലും മീനാക്ഷി അമ്മയെ അണ്‍ ഫോളോ ചെയ്തതേ ശരിയല്ല എന്നുള്ള ചര്‍ച്ചകളും ഇപ്പോള്‍ നടക്കുന്നുണ്ട്. മലയാളി പ്രേക്ഷകര്‍ വളരെ വേദനയോടെ കേട്ട ഒരു വിവാഹമോചന വാര്‍ത്തയായിരുന്നു മഞ്ജു വാര്യരുടെയും ദിലീപിന്റേയും. പ്രണയിച്ച് വിവാഹിതരായ ഇരുവരും പതിനേഴ് വര്‍ഷത്തെ ദാമ്പത്യ ജീവിതത്തിന് ശേഷമാണ് വേര്‍പിരിഞ്ഞത്. ആ ബന്ധത്തിലാണ് മീനാക്ഷി പിറന്നതും. വിവാഹമോചനത്തിനുശേഷം മകളുടെ സംരക്ഷണാവകാശം ദിലീപ് ഏറ്റെടുത്തു.

ഏറെക്കാലം അച്ഛനും മകളും ഒറ്റയ്ക്കായിരുന്നു. ശേഷമാണ് കാവ്യ മാധവന്‍ ദിലീപിന്റെ രണ്ടാം ഭാര്യയായി വരുന്നത്. ആ വിവാഹത്തിനും മീനാക്ഷി അച്ഛന് പൂര്‍ണ പിന്തുണ നല്‍കി. കാവ്യയില്‍ മഹാലക്ഷ്മി എന്നൊരു മകള്‍ കൂടി ദിലീപിനുണ്ട്. അച്ഛന്റെ രണ്ടാം ഭാര്യയായല്ല സുഹൃത്തുക്കളെപ്പോലെയാണ് മീനാക്ഷിയും കാവ്യയും കഴിയുന്നത്. മഞ്ജുവുമായുള്ള ബന്ധം വേര്‍പ്പെടുത്തിയതിന് ഇപ്പോഴും ദിലീപ് സോഷ്യല്‍മീഡിയയില്‍ പരിഹാസവും കുറ്റപ്പെടുത്തലുകളും കേള്‍ക്കാറുണ്ട്.

അതുപോലെ തന്നെ അമ്മ മഞ്ജുവിനെ തിരിഞ്ഞ് നോക്കാത്ത മകളെന്നുള്ള ആക്ഷേപം മീനാക്ഷിക്കും സോഷ്യല്‍മീഡിയ വഴി ലഭിക്കാറുണ്ട്. ഉര്‍വശിയും മനോജ് കെ ജയനും വേര്‍പിരിഞ്ഞപ്പോള്‍ മകളുടെ സംരക്ഷണം മനോജ് കെ ജയന്‍ ചോദിച്ച് വാങ്ങിയിരുന്നു. എന്നാല്‍ കുഞ്ഞാറ്റയ്ക്ക് ഇപ്പോള്‍ അച്ഛന്റേയും അമ്മയുടേയും സ്‌നേഹം ലഭിക്കുന്നുണ്ട്. കാരണം അമ്മ ഉര്‍വശിക്കൊപ്പവും സമയം ചിലവഴിക്കാന്‍ കുഞ്ഞാറ്റ ശ്രമിക്കാറുണ്ട്. ഉര്‍വശിയുടെ മകള്‍ കുഞ്ഞാറ്റയുമായി താരതമ്യം ചെയ്തതാണ് പലരും മീനാക്ഷിയെ കുറ്റപ്പെടുത്തുന്നത്. മനസാക്ഷിയില്ലാത്ത മകളാണ് മീനാക്ഷിയെന്നൊക്കെയാണ് പലരും താരപുത്രിയെ കുറ്റപ്പെടുത്തി പറയാറുള്ളത്. മാത്രമല്ല മഞ്ജുവും മീനാക്ഷിയും വലിയ അകല്‍ച്ചയിലാണെന്ന തരത്തിലും പ്രചാരമുണ്ട്. എന്നാല്‍ സത്യാവസ്ഥ അതല്ലെന്നും അമ്മ-മകള്‍ ബന്ധം ഇരുവരും പവിത്രമായി തന്നെ മുന്നോട്ട് കൊണ്ടുപോകുന്നുണ്ടെന്നും വ്യക്തമാകുന്ന രീതിയിലായിരുന്നു ഇരുവരും ഇന്‍സ്റ്റഗ്രാമില്‍ ഒന്നിച്ചത്. പക്ഷെ അങ്ങനെയുള്ള എല്ലാ ചര്‍ച്ചയും ആണ് ഇതോടെ അവസാനിക്കുന്നത്.