ഉലക നായകന്‍ കമല ഹാസന് ഇന്ന് 70-ാം പിറന്നാള്‍. ഇന്ത്യന്‍ സിനിമയില്‍ 64വര്‍ഷം പിന്നിട്ട ബഹുമുഖ പ്രതിഭയായ താരം മക്കള്‍ നീതി മയ്യം എന്ന രാഷ്ട്രീയ പാര്‍ടിയുടെ സ്ഥാപകനേതാവാണ് അദ്ദേഹം.

നാലു ദേശീയ പുരസ്‌കാരങ്ങള്‍ സ്വന്തമാക്കി.1960ല്‍ കളത്തൂര്‍ കണ്ണമ്മ എന്ന ചിത്രത്തിലൂടെ അരങ്ങേറ്റം കുറിച്ച കമലിന് മികച്ച ബാലതാരത്തിനുള്ള ദേശീയ പുരസ്‌കാരം ലഭ്യമായിട്ടുണ്ട്.


മികച്ച വിദേശ ഭാഷാ ചിത്രത്തിനുള്ള ഓസ്‌കര്‍ പുരസ്‌കാരത്തിന് ഇന്ത്യയില്‍ നിന്ന് സമര്‍പ്പിച്ച ചിത്രങ്ങളില്‍ ഏറ്റവും കൂടുതല്‍ കമല്‍ ചിത്രങ്ങളാണ്. സിനിമയില്‍ നിരന്തരം മൗലികമായ പരീക്ഷണം നടത്തുന്ന താരം നിര്‍മാതാവ് എന്ന നിലയിലും വേറിട്ട സിനിമകളുടെ ഭാഗമാകുന്നു. കവി, ഗാനരചയിതാവ്, തിരക്കഥാകൃത്ത് എന്നീ നിലകളിലും ശ്രദ്ധേയന്‍. മണിരത്നം ഒരുക്കുന്ന തഗ് ലൈഫ് എന്ന ചിത്രമാണ് ഇനി വരാനുള്ളത്.