മനസിനുണ്ടാകുന്ന മുറിവുകൾ ഉണക്കാൻ ഇന്ന് വിമുഖത കാണിക്കുകയാണ് പലരും. മാത്രമല്ല, കുറിപ്പടികൾ ഇല്ലാതെ ഗൂഗിൾ തെരഞ്ഞ് മരുന്ന് കണ്ടെത്തുന്നവരും പതിവായി മാറിയിരിക്കുകയാണ്. എന്നാലിതാ അവർക്കായി സൈക്കോളജിസ്റ്റ് കലാമോഹൻ സംസാരിക്കുകയാണ്. നമ്മിൽ ഉണ്ടാകുന്ന പ്രേശ്നങ്ങൾക്ക് നാം തന്നെ പരിഹാരം കണ്ടെത്തേണ്ടതാണ് എന്നാണ് വ്യക്തമാക്കുന്നത്.

ഫേസ്ബുക്ക് കുറിപ്പിന്റെ പൂർണരൂപം ഇങ്ങനെ;

മാനസിക പ്രശ്നത്തിന് ഡോക്ടറെ കാണാൻ വിമുഖത കാണിക്കുന്ന സമൂഹം ഇപ്പോൾ, ഗൂഗിൾ ഡോക്ടർ ൻറെ സഹായത്തോടെ, തിരഞ്ഞു പിടിച്ചു, Anti - psychotic മരുന്നുകൾ കുറിപ്പടി ഇല്ലാതെ വാങ്ങുന്നുണ്ട്.. പല മെഡിക്കൽ സ്റ്റോറിൽ നിന്നും അതു കിട്ടുന്നു.. അതും ദോഷമാണ്.. ഞാൻ ഉൾപ്പെടെ മാനസിക മേഖലയിൽ ജോലി നോക്കുന്ന പലരും fb യിൽ മാനസിക രോഗങ്ങളെ കുറിച്ചും അതുണ്ടാക്കുന്ന പ്രശ്നങ്ങളെ കുറിച്ചും എഴുതുന്നവരാണ്.. രോഗങ്ങൾക്ക് മരുന്ന് കഴിക്കു എന്ന് നിരന്തരം എഴുതി കൊണ്ടേ ഇരിക്കുന്നു...
എന്നാൽ സൈക്കോട്ടിക് പ്രശ്നം ബാധിക്കാത്ത ഒരാൾ എന്തിനാണ് ആ മരുന്ന് ഉപയോഗിക്കുന്നത്?
മണിച്ചിത്രത്താഴ്, സിനിമ സൈക്കോളജി പഠിച്ച ശേഷം കാണുമ്പോൾ ഉൾകൊള്ളാൻ പറ്റാറില്ല..

പക്ഷെ, അതിൽ ഡോക്ടർ സണ്ണി, അവസാനം പറയുന്ന ഡയലോഗ്...ഓജസ്സും തേജസ്സും ഉള്ള പഴയ ഗംഗയെ നകുലനു കൊടുക്കാനാണ് താൻ ആഗ്രഹിച്ചത് എന്ന്.. അതിന് വേണ്ടി അയാൾ നടത്തിയ നാടകം ആ ചിത്രത്തിന്റെ പ്രധാന ഭാഗമാണല്ലോ.. Stress ഇല്ലാത്ത ആരുമില്ല.. ചില ദുഖങ്ങൾക്ക്‌ മുന്നറിയിപ്പ് കിട്ടുകയും ചെയ്യും.. മഴക്കോള് ഉണ്ട്, ശക്തമായ മഴയ്ക്ക് സാധ്യത ഉണ്ടെന്ന് കേട്ടു, കുട നിവർത്തി വീട്ടിൽ നിന്നും ഇറങ്ങേണ്ട കാര്യമില്ല.. കുട കയ്യിൽ വെച്ചാൽ മാത്രം മതി.. ഞാനും ഉറക്കഗുളിക എടുത്തിരുന്നു.. ചോദിക്കുമ്പോൾ കുറിപ്പടി ഇല്ലാതെ എനിക്കത് കിട്ടുമായിരുന്നു..

ചില ഡോക്ടർമാർ ചെയ്യും പോലെ സിഗരറ്റ് ചുണ്ടിൽ വെച്ചു, അതിന് എതിരെ ഉപദേശിക്കാൻ തുടങ്ങിയാൽ എനിക്ക് കണ്ണാടിയിൽ പ്രതിബിംബം കാണുമ്പോൾ പുച്ഛം വരും.. അതു കൊണ്ട്, ഒരു മരുന്നും ഇല്ലാതെ ഉറങ്ങാൻ പറ്റുന്ന കാലത്ത് ഞാൻ ഇതു എഴുതു എന്നും ഉറപ്പിച്ചിരുന്നു.. എന്ത് കൊണ്ടാണ് ഞാൻ ചോദിച്ചപ്പോഴൊക്കെ, മരുന്ന് കിട്ടിയിരുന്നത് എന്ന് ഓർക്കാറുണ്ട്.. കുറിപ്പടി ഇല്ലാതെ മരുന്ന് കൊടുക്കരുത് എന്നാണ് നിയമം... മനസ്സ് നമ്മുടേതാണ്.. പ്രശ്നം വരുമ്പോൾ തളരുക സ്വാഭാവികം.. മരുന്ന് കഴിക്കാതെ, സമാധാനം കണ്ടെത്താൻ പറ്റുന്നു എങ്കിൽ, അതാണ് വിജയം.. (സൈക്കോട്ടിക് പ്രശ്നങ്ങൾക്കു മരുന്ന് കഴിക്കുകയും വേണം..)

സംഗീതം നല്ലൊരു മരുന്നാണ് എന്ന് എന്റെ അനുഭവം.. പാട്ടു കേൾക്കുകയും കൂടെ പാടുകയും ചെയ്യും..
ഇഷ്‌ടമുള്ള ഒരു വ്യക്തിയോട് സംസാരിക്കാറുണ്ട്.. എന്നെ അസ്വസ്ഥം ആക്കുന്ന ഇടങ്ങൾ ഒഴിവാക്കും.. ഇഷ്‌ടമുള്ള അഭിമുഖങ്ങൾ ഒരുപാട് കാണും.. അതെന്നിൽ ഒരുപാട് ഊർജ്‌ജം നിറയ്ക്കാറുണ്ട്..
പലരും ഇന്നത്തെ സൈബർ ലോകത്ത് ഈ അവസ്ഥയിൽ തിരഞ്ഞെടുക്കുന്ന മരുന്നാണ് പ്രണയം... എനിക്ക് കാമുകൻ ഇല്ല.. ചങ്കുകൾ മാത്രം.. പുരുഷവിരോധം കൊണ്ടല്ല.. മരുന്നായി എടുത്തു, പ്രണയിക്കാൻ താല്പര്യം ഇല്ല.. അതു ബന്ധങ്ങൾ വഷളാക്കും.. അപ്പുറത് നിന്നും കിട്ടേണ്ട പരിഗണന കിട്ടിയില്ല എങ്കിൽ വീണ്ടും പിരിമുറുക്കം.. ഞാൻ വളരെ സെൻസിറ്റീവ് ആയ വ്യക്തി ആണ്.. വന്നു ചേരേണ്ട ഒന്നാണ് പ്രണയം, പിടിച്ചെടുക്കാൻ പറ്റുന്നതല്ല...

ഉള്ളിൽ നിന്നും പ്രണയിക്കപ്പെടാനും പ്രണയം നൽകാനും തോന്നുന്ന ഇടത്ത് അതു വിതറുമ്പോൾ ആണ് മനോഹരം.. നമ്മുടെ സംഘര്ഷങ്ങള് മറ്റൊരാളെ ഏൽപ്പിക്കരുത്... EXPECTATIONS REDUCES JOY !
( അമിത പ്രതീക്ഷ സന്തോഷം ഇല്ലാതാക്കുന്നതാണ് )നിറങ്ങൾ എനിക്ക് ഇഷ്‌ടമാണ്‌.. തോന്നുമ്പോൾ ചിത്രം വരയ്ക്കാറുണ്ട്.. അതൊരു വല്ലാത്ത അനുഭൂതി ആണ്. ജോലി എന്റെ വരുമാനമാർഗ്ഗം മാത്രമല്ല.. പാഷൻ കൂടി ആണ്.. അങ്ങനെ ആകുമ്പോൾ സാമ്പത്തിക സ്ഥിതിയും മെച്ചം വരും.. എന്നാൽ, എല്ലാ കേസുകളും എടുക്കാറില്ല.. പറ്റില്ല എന്ന് ഒഴിഞ്ഞു മാറാറുണ്ട്.. എന്റെ സമയത്തിനു വില ഞാൻ കൊടുക്കും.. കർമമാണ് ഈശ്വരൻ..

24 മണിക്കൂറും സൈക്കോളജിയിൽ മുങ്ങാൻ പലപ്പോഴും ഇഷ്‌ടവുമാണ്.. എന്റെ പിടിവള്ളി, ആണ്.. പറ്റുമ്പോൾ ഒക്കെ fb യിൽ എഴുതാൻ ഇഷ്‌ടമാണ്‌.. എന്നാൽ, രഹസ്യങ്ങൾ സൂക്ഷിച്ചു വെയ്ക്കാൻ ഒരു ഡയറി ഉണ്ട്.. തുറന്ന പുസ്തകം അല്ലെന്ന് സാരം.. കടുത്ത വിശ്വാസം ഉണ്ട് ഈശ്വരനിൽ.. അന്ധവിശ്വാസം ഇല്ല.. മനുഷ്യത്വം ആണ് മതം.. പ്രാർത്ഥന, ധ്യാനം വല്ലാത്ത സമാധാനം തരാറുണ്ട്.. സിനിമ കാണുക ഒരു നേരമ്പോക്കും ആണ്... ഞാൻ എടുക്കുന്ന മരുന്നുകൾ ഇപ്പോൾ ഇത്രയും ആണ്..
കല, കൗൺസലിംഗ് സൈക്കോളജിസ്റ്