നമ്മുടെ നാട്ടിലെ ഇന്നത്തെ വിപണിയിൽ പലതരത്തിലുള്ള പാനീയങ്ങൾ സുലഭമാണ്. ഇങ്ങനെ വാങ്ങിക്കുടിക്കുന്ന പാനീയങ്ങൾ ധാരാളം ആരോഗ്യ പ്രശ്നങ്ങൾ ഉണ്ടാക്കും എത് ഉറപ്പാണ്. ഇവകൊണ്ടുണ്ടാകുന്ന ആരോഗ്യ പ്രശ്‌നങ്ങൾ എന്തെല്ലാമെന്ന് അറിയാം.

ആദ്യത്തേത് എനര്‍ജി ഡ്രിങ്ക്സ് ആണ്. എനര്‍ജി ഡ്രിങ്ക്സുകളുടെ പരസ്യം കണ്ടാല്‍ തന്നെ വാങ്ങിക്കഴിക്കരുത്. കഴിക്കുമ്പോള്‍ ആദ്യം ഒരു എനര്‍ജിയൊക്കെ തോന്നുമെങ്കിലും പിന്നീടത് നിങ്ങളുടെ ശരീരത്തെ തളര്‍ത്തുക തന്നെ ചെയ്യും. അതുപോലെ ഹൃദയാഘാതം, അമിതവണ്ണം എന്നിവയ്ക്ക് എനര്‍ജി ഡ്രിംങ്ക്സുകള്‍ കാരണമാകുന്നു.

ഐസ്ഡ് ടീയും അപകടകാരിയാണ്. അതുപോലെ ഗര്‍ഭിണികള്‍ക്ക് ഒട്ടും നല്ലതല്ല ഐസ്ഡ് ടീ. ഇത് എല്ലാ വിധത്തിലും ആരോഗ്യത്തിന് പ്രശ്‌നമുണ്ടാക്കുന്നു. ഇത് പല വിധത്തില്‍ ഗര്‍ഭിണിക്കും ഗര്‍ഭസ്ഥശിശുവിനും പ്രശ്‌നമുണ്ടാക്കുന്നു.

മറ്റൊന്ന് മില്‍ക്ക് ഷേക്ക് ആണ്. ഈ പാനീയത്തിൽ കാല്‍സ്യം ധാരാളം അടങ്ങിയിട്ടുണ്ടെങ്കിലും ഇതില്‍ അമിതമായി അടങ്ങിയിരിക്കുന്ന പഞ്ചസാര ആരോഗ്യത്തിന് ദോഷം ചെയ്യുന്നതാണ്.

അതുപോലെയാണ് കൊഴുപ്പ് കുറഞ്ഞ തൈര്. പൊതുവെ തൈര് ആരോഗ്യത്തിന് നല്ലതാണെങ്കിലും വിപണിയില്‍ കിട്ടുന്നവ വാങ്ങാതിരിക്കുക. കാരണം കൊഴുപ്പ് കുറഞ്ഞ തൈര് എന്നാണ് പേരെങ്കിലും സ്വാദ് കൂട്ടാനായി ഇതില്‍ പഞ്ചസാര ചേര്‍ക്കാറുണ്ട്.

കൂടാതെ ഫ്ലേവേഡ് വാട്ടര്‍ നല്ലതല്ല. പഴങ്ങളോ പച്ചക്കറികളോ പച്ചമരുന്നുകളോ വെള്ളത്തില്‍ ചേര്‍ത്ത് തയ്യാറാക്കുന്നതാണ് ഫ്ലേവേഡ് വാട്ടര്‍. ഇത്തരത്തിലുള്ള പാനീയങ്ങൾ വീട്ടില്‍ തയ്യാറാക്കി കഴിക്കാം. ഇതേസമയംവിപണിയില്‍ ആകര്‍ഷകമായ നിറങ്ങളില്‍ ലഭ്യമാണെങ്കിലും ഒരിക്കലും വാങ്ങിക്കുടിക്കരുത്. ഇവയില്‍ കൃത്രിമ ഫ്ലേവറുകള്‍ ചേര്‍ക്കാനുള്ള സാധ്യതയുണ്ട്

അതുപോലെ ഒന്നാണ് സ്മൂത്തീസ്. പഴവര്‍ഗങ്ങളും പച്ചക്കറികളും ഉപയോഗിച്ച് ഉണ്ടാക്കുന്ന പാനീയമാണ് സ്മൂത്തീസ്. ഇതൊക്കെ വീട്ടില്‍ തയ്യാറാക്കുന്നത് നല്ലതാണെങ്കിലും റസ്റ്റോറന്റുകളിലും ഹോട്ടലുകളിലും നിന്നും കഴിക്കരുതെന്ന് ആരോഗ്യവിദഗ്ധര്‍ പറയുന്നു. വലിയ അളവില്‍ പഞ്ചസാര ചേര്‍ത്തിട്ടുള്ള ഇത്തരം സ്മൂത്തീസുകള്‍ നമ്മുടെ ശരീരത്തെ കൊല്ലും

അതേസമയം ഹോട്ട് ചോക്ലേറ്റില്‍ അടങ്ങിയിരിക്കുന്ന സോഡിയം ഹൃദയത്തിന് അത്ര നല്ലതല്ല. കൂടാതെ രക്തസമ്മര്‍ദ്ദം പോലെയുള്ള പ്രശ്നങ്ങളുമുണ്ടാക്കുന്നു. സാധാരണ കടല്‍ ജലത്തില്‍ അടങ്ങിയിരിക്കുന്നതിനെക്കാള്‍ ഇരട്ടി ഉപ്പ് ചോക്ലേറ്റിലുണ്ടെന്ന് കണ്ടെത്തിയിട്ടുണ്ട്. എണ്ണയില്‍ വറുത്ത ഒരു പായ്ക്കറ്റ് പലഹാരങ്ങള്‍ കഴിക്കുന്നതിന് തുല്യമാണ് ഒരു ഹോട്ട് ചോക്ലേറ്റ് കഴിക്കുന്നത്.