ഭക്ഷണം കഴിക്കുമ്‌ബോള്‍ ഇനി മാസ്‌ക് മാറ്റേണ്ട; ആകര്‍ഷകമായ ഡിസൈനുമായി കമ്ബനി
കൊറോണ ലോകത്ത് പരീക്ഷണങ്ങളാണ് നടത്തുന്നത്. തുണിയുടെയും സര്‍ജിക്കല്‍ മാസ്‌കുകളോടുമൊപ്പം ലക്ഷക്കണക്കിന് രൂപയുടെ രത്‌നങ്ങള്‍ പതിപ്പിച്ച മാസ്‌കുകളും സ്വര്‍ണമാസ്‌കുകളും ഇന്ന് വിപണി കൈയ്യടക്കി കഴിഞ്ഞു.
ഓരോ ദിവസവും പുത്തന്‍ പരീക്ഷണങ്ങളാണ് മാസ്‌കുകളില്‍ നടക്കുന്നത്. ബ്ലൂടൂത്ത് പിടിപ്പിച്ചമാസ്‌ക് വരെ വിപണിയിലെത്തികഴിഞ്ഞു. അക്കൂട്ടത്തിലേക്കിതാ വ്യത്യസ്തമായ ഒരു മാസ്‌ക് അവതരിപ്പിച്ചിരിക്കുകയാണ് കൊറിയന്‍ കമ്ബനി.
മാസ്‌ക് ജീവിതത്തിലെ ഒഴിച്ചു കൂടാനാവാത്ത വസ്തു ആയ സ്ഥിതിക്ക് ഇനി ഭക്ഷണം കഴിക്കുമ്‌ബോള്‍ പോലും മാസ്‌ക് മാറ്റേണ്ടതില്ല എന്നാണ് കമ്ബനി പറയുന്നത്. ഭക്ഷണം കഴിക്കും മുമ്ബ് മൂക്കിന് മുകളിലേക്ക് നീക്കിവെക്കും വിധത്തിലുള്ള ഡിസൈനാണ് പുത്തന്‍ മാസ്‌കിന്റേത്. ഭക്ഷണം കഴിക്കുമ്‌ബോഴും വെള്ളം കുടിക്കുമ്‌ബോഴുമൊക്കെ മാസ്‌ക് മുകളിലേയ്ക്ക് മാറ്റി വെയ്ക്കാം.
ദക്ഷിണ കൊറിയന്‍ കമ്ബനിയായ അറ്റ്മാന്‍ ആണ് പുതിയ 'സിമ്ബിള്‍ ആന്‍ഡ് ഹമ്ബിള്‍' മാസ്‌കിന് പിന്നില്‍. കോസ്‌ക് എന്ന പേരിലാണ് കമ്ബനി മാസ്‌ക് പുറത്തിറക്കിയിരിക്കുന്നത്. കൊറിയയില്‍ മൂക്കിന് കോ എന്നാണ് പറയുന്നത്. അത് കൊണ്ട് കോ, മാസ്‌ക് എന്നീ പദങ്ങള്‍ യോജിപ്പിച്ചാണ് ഈ മാസ്‌കിന് കോസ്‌ക് എന്ന് നാമകരണം ചെയ്തിരിക്കുന്നത്.
പത്ത് മാസ്‌കുള്ള ഒരു പാക്കറ്റിന് 610 രൂപയാണ് കമ്ബനി ഈടാക്കുന്നത്. നിരവധി പേരാണ് കമ്ബനിയുടെ മാസ്‌ക് ഓര്‍ഡര്‍ ചെയ്ത് കാത്തിരിക്കുന്നത്. അതേ സമയം മണ്ടന്‍ കണ്ടു പിടിത്തം എന്ന് പലരും കമ്ബനിയുടെ മാസ്‌കിനെ വിശേഷിപ്പിക്കുന്നത്. വൈറസ് വായു വഴി പകരുമെങ്കില്‍ മൂക്കിന് മുകളില്‍ മാത്രം മാസ്‌ക് വെയ്ക്കുന്നതിന്റെ ഗുണമെന്നാണ് പലരും ചോദിക്കുന്നത്.
https://www.facebook.com/Malayalivartha
