അതും സാധ്യമാക്കിയിരിക്കുകയാണ്. ലോകത്തിലെ ആദ്യത്തെ പറക്കും മോട്ടോര്‍സൈക്കിളിന്റെ ബുക്കിംഗ് ആരംഭിച്ചു . മോട്ടോര്‍സൈക്കിളിന് 96 കിലോമീറ്റര്‍ വേഗതയില്‍ 30 മിനിറ്റ് വരെ പറക്കാന്‍ കഴിയും. 'സ്പീഡര്‍' എന്നാണ് ഈ പറക്കും ബൈക്കിന് പേരിട്ടിരിക്കുന്നത്. ഇതിന്റെ പ്രാരംഭ വില 3.15 കോടി രൂപയാണ്.

136 കിലോഗ്രാം ഭാരമുള്ള ബൈക്കിന് 272 കിലോഗ്രാം വഹിക്കാന്‍ കഴിയും. ഇത് റിമോട്ട് വഴിയും നിയന്ത്രിക്കാം. അമേരിക്കയിലെ ജെറ്റ്പാക്ക് ഏവിയേഷന്‍ കമ്ബനിയാണ് ഈ പറക്കും ബൈക്ക് രൂപകല്‍പ്പന ചെയ്തിരിക്കുന്നത്. യഥാര്‍ത്ഥ രൂപകല്‍പ്പനയില്‍ 4 ടര്‍ബൈനുകള്‍ ഉണ്ടായിരുന്നു, എന്നാല്‍ അന്തിമ ഉല്‍പ്പന്നത്തില്‍ 8 ടര്‍ബൈനുകള്‍ ഉണ്ടാകും.

പറക്കുംബൈക്കിന്റെ നിര്‍മാണത്തിനു കാശുതേടി പലരെയും സമീപിച്ചിരുന്നു ലൊസാഞ്ചലസ് ആസ്ഥാനമായുള്ള ഈ കമ്ബനി. ഒടുവില്‍ ക്രൗഡ് ഫണ്ടിങ് വഴി ഏകദേശം 14 കോടി രൂപ ലഭിക്കുകയും ചെയ്തു. ചില വന്‍കിട കമ്ബനികളും ജെപിഎയെ സഹായിക്കാമെന്നേറ്റു. അതോടെ റീക്രിയേഷനല്‍ സ്പീഡര്‍ എന്നു പേരിട്ട ബൈക്കിന്റെ നിര്‍മാണത്തിനു വേണ്ടിയുള്ള ശ്രമങ്ങളും ആരംഭിച്ചു. ഏകദേശം ഏഴു ലക്ഷം രൂപ കൊടുത്ത് ഇതു നേരത്തേ ബുക്ക് ചെയ്യാനും സാധിക്കുമെന്നാണു കമ്ബനി പറയുന്നത് . 3 വര്‍ഷത്തിനുള്ളില്‍ കമ്ബനിയുടെ 8 ജെറ്റ് എഞ്ചിന്‍ സ്പീഡര്‍ ഫ്ലൈയിംഗ് ബൈക്ക് വിപണിയില്‍ എത്തിക്കും.

കമ്ബനിയുടെ അഭിപ്രായത്തില്‍, പറക്കുന്ന ബൈക്ക് ഒരു എയര്‍ യൂട്ടിലിറ്റി വാഹനമാണ്, അതായത് മെഡിക്കല്‍ അത്യാഹിതങ്ങള്‍ക്കും അഗ്നിശമന ആവശ്യങ്ങള്‍ക്കും ഇത് ഉപയോഗിക്കാം. മറുവശത്ത്, സൈന്യത്തിനായി ചരക്ക് വിമാനത്തിന്റെ രൂപത്തില്‍ ആളില്ലാ പതിപ്പും കമ്ബനി വികസിപ്പിക്കുന്നുണ്ട്.

മണിക്കൂറില്‍ 400 മൈല്‍ വേഗത്തില്‍ പറക്കാനാകും. പറക്കുമെന്നു പറയുമ്ബോള്‍ റോഡിനു തൊട്ടുമുകളിലൂടെയൊന്നുമല്ല- ഏകദേശം 15,000 അടി ഉയരത്തില്‍ വരെ. അതായത് ലോകത്തിലെ ഏറ്റവും ഉയരമുള്ള കെട്ടിടമായ ബുര്‍ജ് ഖലീഫയ്‌ക്കും ആറിരട്ടിയോളം ഉയരത്തില്‍.

വിമാനം പറന്നിറങ്ങുന്നതു പോലെയൊന്നുമല്ല സ്പീഡര്‍ വന്നിറങ്ങുക. കുത്തനെ ഉയര്‍ന്നു പൊങ്ങി കുത്തനെ വന്നിറങ്ങാന്‍ സാധിക്കും. യുഎസിലെ ഫെഡറല്‍ ഏവിയേഷന്‍ അഡ്മിനിസ്ട്രേഷനു കീഴില്‍ പരീക്ഷണ വിമാനങ്ങള്‍ നിര്‍മിക്കുന്നതിനുള്ള നിര്‍ദേശങ്ങള്‍ അനുസരിച്ചാണ് പറക്കുംബൈക്കും ഒരുക്കുന്നത്.