വീട്ടുജോലികള്‍ ചെയ്യാനും എത് സമയത്തും എന്തും ചെയ്യാന്‍ സാധിക്കുന്ന കടയില്‍ പോയി സാധനങ്ങള്‍ വാങ്ങാനുമൊക്കെ ഒരു റോര്‍ബോട്ടിനെ കിട്ടിയാല്‍ എങ്ങനെ ഉണ്ടാകും. അതും വെറും 5 ലക്ഷം രൂപയ്ക്ക് കിട്ടിയാലോ? 2025 ഓടെ അത്തരം ഹ്യൂമണോയ്ഡ് റോബോട്ടുകളെ അവതരിപ്പിക്കുകയാണ് ടെക് ലോകത്തെ കിരീടം വയ്ക്കാത്ത രാജാവായ ഇലോണ്‍ മസ്‌ക്. ടെസ്ല കമ്പനിയിലെ ബംമ്പിള്‍ബീ എന്നറിയപ്പെടുന്ന ഉപവിഭാഗമാണ് റോബോട്ടിനെ നിര്‍മിക്കുന്നത്. ഈ ഒപ്ടിമസ് റോബോട്ടിന്റെ വില ഏകദേശം 5 ലക്ഷം രൂപയായിരിക്കുമെന്നും മസ്‌ക് അറിയിച്ചു.

മനുഷ്യകാരമുള്ള റോബോട്ടുകളെയാണ് ഹ്യൂമണോയ്ഡ് റോബോട്ട് എന്ന് വിളിക്കുന്നത്. അത്തരം റോബോട്ടുകളില്‍ ഒന്നാണ് ടെസ്ലയുടെ ഒപ്ടിമസ് എന്നാണ് പുറത്തുവരുന്ന വിവരങ്ങള്‍. വായുസഞ്ചാരമില്ലാത്ത കുഴികളിലും കിണറുകളിലും ഇറങ്ങുക പോലെയുള്ള ആയാസകരമായ ജോലികള്‍ ചെയ്യാനായി രൂപകല്‍പ്പന ചെയ്ത ഒപ്ടിമസ് വീട്ടുജോലികളും ഫാക്ടറി ജോലികളും ചെയ്യാന്‍ കഴിയുന്നതാണ്. മനുഷ്യാകാരം ഒഴുവാക്കിയാല്‍ വേഗത്തില്‍ നിര്‍മാണം അവസാനിപ്പിക്കാമായിരുന്ന ഒപ്ടിമസ് ഹ്യൂമണോയ്ഡ് തന്നെയാകണമെന്നത് മസ്‌കിന്റെ നിര്‍ബന്ധമാണ്.