എട്ടുവയസ്സുകാരന്‍ അച്ഛന്റെ വാന്‍ ഓടിച്ചത് ഒരു മൈലോളം. ഈ എട്ടുവയസ്സുകാരനെ വാന്‍ ഓടിക്കാന്‍ പഠിപ്പിച്ചത് അച്ഛനൊന്നുമല്ല. യൂട്യൂബ് നോക്കി സ്വന്തമായിട്ടാണ് ഈ കൊച്ചു മിടുക്കന്‍ ഡ്രൈവിങ് പഠിച്ചത്. യുണൈറ്റഡ് സ്‌റ്റേറ്റ്‌സിലുള്ള ഓഹിയോവിലാണ് സംഭവം. വാന്‍ എടുത്ത് ഒരു മൈലോളം അകലെയുള്ള മാക്ക്‌ഡൊണാള്‍ഡ്‌സിലേക്ക് ഡ്രൈവ് ചെയ്തത്. കൂട്ടിന് സഹോദരിയുമുണ്ടായിരുന്നു.

നാലു ട്രാഫിക്ക് സിഗ്‌നലുകളും ഒരു റയില്‍വേട്രാക്കും മുറിച്ചു കടന്നാണ് ഈ എട്ട് വയസുകാരന്‍ വാന്‍ ഓടിച്ചത്. അമിതവേഗമെടുക്കാതെ സിഗ്‌നലുകളെല്ലാം പാലിക്കുകയും ചെയ്തു. മാക്ടൊണാള്‍ഡിലെത്തിയപ്പോള്‍ അവിടെയുണ്ടായിരുന്ന പരിചയക്കാരാണ് കുട്ടികള്‍ ഒറ്റയ്ക്കാണെന്ന് മനസ്സിലാക്കിയതും വീട്ടില്‍ അറിയിച്ചതും.