പാമ്പുകൾക്ക് വേണ്ടി റോഡ് ഗതാഗതം രണ്ട്മാസത്തേക്ക് നിരോധിച്ചു. അമേരിക്കയിലെ ഇല്ലിനോയിസിലാണ് എല്ലാ വര്‍ഷവും റോഡുകളിലൂടെയുള്ള ഗതാഗതം നിരോധിക്കുന്നത്. സ്നേക്ക് ഫെസ്റ്റിവല്‍ എന്ന് പ്രശസ്തമായ പാമ്പുകളുടെ കൂട്ടത്തോടെയുള്ള യാത്ര മുന്നില്‍ കണ്ടാണ് ഈ നിയന്ത്രണം

തെക്കന്‍ ഇല്ലിനോയിസിലെ ഷോവ്നി ദേശീയ വനത്തിലാണ് ഈ റോഡുകളുള്ളത്.14 ചതുരശ്രകിലോമീറ്റര്‍ ചുറ്റളവിലുള്ള പ്രദേശത്താണ് റോഡുകളിലൂടെയുള്ള ഗതാഗതം നിരോധിച്ചത്. സെപ്റ്റംബര്‍ 1ന് തുടങ്ങിയ നിരോധനം ഒക്ടോബര്‍ 30 വരെ തുടരും. കാല്‍നടയാത്രക്കാര്‍ക്ക് ഈ നിരോധനം ബാധകമല്ല.

പാമ്പുകള്‍ മാത്രമല്ല തവളകള്‍ ഉള്‍പ്പടെയുള്ള പല ഉഭയ ജീവികളും ഈ സമയത്ത് കൂട്ടത്തോടെ വടക്കു നിന്നും തെക്കോട്ടേക്കുള്ള ഈ കൂട്ട പാലായനത്തില്‍ പങ്കാളികളാകും. മഞ്ഞുകാലത്ത് ദീര്‍ഘ നാളത്തേക്ക് ഉറങ്ങുന്നവയാണ് ഈ ജീവികളെല്ലാം. ഓഗസ്റ്റ് പകുതി മുതല്‍ തുടങ്ങുന്ന ഇവയുടെ പലായനം നവംബര്‍ വരെ നീണ്ട് നില്‍ക്കും

ഇല്ലിനോയിസിലെ 66 ശതമാനം ഉഭയജീവികളും 59 ശതമാനം ഇഴജന്തുക്കളും ഷോവ്നി വനമേഖലയിലാണുള്ളത്. ഷാവോനി മാതൃക സ്വീകരിച്ച് അമേരിക്കയിലെ വടക്കന്‍ പ്രവശ്യകളില്‍ പലയിടത്തും സമാനമായ നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്