കരുനാഗപ്പള്ളിയിൽ കരുനാഗപ്പള്ളി കടത്തൂർ നാട്ടുകാര്‍ അമ്പരന്നിരിക്കുകയാണ്. സംഭവം മറ്റൊന്നുമല്ല താറാവ് പ്രസവിച്ചു. കടത്തൂര്‍ തറോട്ടില്‍ വീട്ടില്‍ ജമീലയുടെ വീട്ടിലെ താറാവാണ് നാട്ടുകാരെയും വീട്ടുകാരെയും കൊതുകത്തിലാഴ്ത്തിയത്. കേരളത്തില്‍ ഇങ്ങനെയൊരു സംഭവം റിപ്പോർട്ട് ചെയ്യുന്നത് ഇതാദ്യമായെന്നാണ് ഡോക്ടര്‍മാർ പറയുന്നത്.

എന്നാൽ കുഞ്ഞിതാറാവിന് അധികം ആയുസുണ്ടായിരുന്നില്ല. ജനിച്ച് നിമിഷങ്ങൾക്കുള്ളിൽ കുഞ്ഞ് മരിക്കുകയും ചെയ്തു. താറാവ് പ്രസവിച്ചതറിഞ്ഞ് പ്രദേശവാസികളും, കുട്ടികളുമടക്കം നിരവധി പേരാണ് കുഞ്ഞിത്താറാവിനെ കാണാൻ വീട്ടിലേക്ക് എത്തിയത്. ഒരു മാസത്തിന് മുന്‍മ്പ് ബന്ധുവീട്ടില്‍ നിന്നും എത്തിച്ച അഞ്ച് താറാവുകളില്‍ ഒരെണ്ണമാണ് പ്രസവിച്ചത്. രാവിലെ താറാവുകള്‍ കൂട്ടം കൂടി നില്‍ക്കുന്നത് ശ്രദ്ധിച്ചപ്പോഴാണ് കുഞ്ഞിനെ കണ്ടതെന്ന് വീട്ടുകാര്‍ പറയുന്നു. കരുനാഗപ്പളി വെറ്റിനറി പോളിക്ലിക്കിലെ സീനിയര്‍ വെറ്റിനറി സര്‍ജന്‍ ഡോ. എം.എ. നാസര്‍ വീട്ടിലെത്തി താറാവിനെയും, കുഞ്ഞിനെയും പരിശോധിച്ചു. സാധാരണ 28 ദിവസമാണ് താറാവ് മുട്ട വിരിയാനുള്ള സമയം. ഏകദേശം 21 ദിവസത്തോളം മുട്ട ഉള്ളിലിരുന്ന് വിരിഞ്ഞതാകാമെന്നാണ് ഡോക്ടര്‍ പറയുന്നത്. സാധാരണ ഗതിയില്‍ താറാമുട്ട വിരിയാന്‍ 99.9 ഡിഗ്രി ത്ഥ ഊഷ്മാവാണ് വേണ്ടത്. താറാവിന്റെ ശരീര ഊഷ്മാവ് ശരാശരി 102 ഡിഗ്രിയും. ഇതു മൂലം ഉള്ളില്‍ തങ്ങിയ മുട്ട വിരിഞ്ഞതാകാമെന്നാണ് വിദഗ്ദര്‍ പറയുന്നത്.