ജനങ്ങളുടെ ആവർത്തിച്ചുള്ള ആവശ്യത്തെ മുൻനിർത്തി കേരളത്തിൽ ഗതാഗത ലംഘനത്തിനുള്ള ഫീസ് കുറക്കാൻ തീരുമാനമായി. മുഖ്യമന്ത്രി വിളിച്ച ഉന്നതതല യോഗത്തിലാണ് തീരുമാനമായത്. ഗതാഗത സെക്രട്ടറിയോട് റിപ്പോര്‍ട്ട് കിട്ടിയാൽ പുതുക്കിയ നിരക്ക് പ്രാബല്യത്തിൽ വരും . പിഴയുടെ കാര്യത്തിൽ വ്യക്തതയാവശ്യപ്പെട്ട് കേന്ദ്രത്തിന് കേരളം കത്തയക്കും.

ഗതാഗത നിയമലംഘനം നടത്തുന്നവർക്ക് ഭീമമായ തുകയാണ് പിഴയായി സർക്കാർ ഏർപ്പെടുത്തിയത് .. ഇതിനെ തിരെ ബിജെപി ഭരിക്കുന്ന സംസ്ഥാനങ്ങള്‍ ഉള്‍പ്പടെ രംഗത്ത് വന്നിരുന്നു. ഇതിന്റെ അടിസ്ഥാനത്തിലാണ് നിയമ ലംഘനത്തിന് ഏര്‍പ്പെടുത്തിയിരിക്കുന്ന പിഴ കുറയ്ക്കാൻ ഈ സംസ്ഥാനങ്ങള്‍ തീരുമാനിച്ചത്. ഗുജറാത്ത്, ഝാര്‍ഖണ്ഡ്, കര്‍ണാടക എന്നീ ബിജെപി ഭരിക്കുന്ന സംസ്ഥാനങ്ങളാണ് നിയമത്തില്‍ ഏര്‍പ്പെടുത്തിയിരിക്കുന്ന കടുത്ത പിഴയില്‍ കുറവു വരുത്താന്‍ ആദ്യം തീരുമാനിച്ചത്.

ഗുജറാത്ത് സര്‍ക്കാര്‍ പുതുതായി നിശ്ചയിച്ച പിഴയില്‍ 90 ശതമാനത്തിന്റെ കുറവാണ് വരുത്തിയിരിക്കുന്നത്. പിഴയില്‍ കുറവ് വരുത്താന്‍ അനുവാദം നല്‍കണമെന്ന് കര്‍ണാടക കേന്ദ്രത്തോട് ഔദ്യോഗികമായി ആവശ്യപ്പെട്ടു. ഇതിന് പുറമെ പ്രതിപക്ഷം ഭരിക്കുന്ന മധ്യപ്രദേശ്, പശ്ചിമ ബംഗാള്‍, പഞ്ചാബ് എന്നീ സംസ്ഥാനങ്ങളും പുതിയ നിയമത്തില്‍ ഏര്‍പ്പെടുത്തിയിരിക്കുന്ന കനത്ത പിഴയ്ക്കെതിരെ രംഗത്തുവന്നു കഴിഞ്ഞു.

കേരളത്തിൽ വിവിധ നിയമലംഘനങ്ങള്‍ക്ക് ഇതുവരെ ഉണ്ടായിരുന്ന പിഴയില്‍ 10 ഇരട്ടി വര്‍ധനയാണ് പുതിയ നിയമത്തില്‍ ഏര്‍പ്പാടാക്കിയത്. മദ്യപിച്ച് വണ്ടിയോടിക്കുന്നതിനുള്ള പിഴ 10000 രൂപയും ആറ് മാസവുമാണ് ശിക്ഷ. അപകടകരമായ ഡ്രൈവിങ്ങിന് 5000 രൂപയുമാണ് പുതിയ നിയമത്തില്‍ പിഴ ഏര്‍പ്പെടുത്തിയിട്ടുള്ളത്. മദ്യപിച്ചു വാഹനം ഓടിക്കുന്നതൊഴികെയുള്ള ഗതാഗത ലംഘനങ്ങൾക്ക്‌ പിഴ തുക കുറയ്ക്കാനാണ് നിർദ്ദേശം