ചാലക്കുടിയിലെ ഡിവൈഎഫ്ഐ നേതാവ് മാഹിന്‍ വധക്കേസ്... ബിജെപി പ്രവര്‍ത്തകരായ രണ്ട് പ്രതികളുടെ ജീവപര്യന്തം ശിക്ഷ ഹൈക്കോടതി ശരിവച്ചു
ചാലക്കുടിയിലെ ഡിവൈഎഫ്ഐ നേതാവ് മാഹിന്‍ വധക്കേസില്‍ ശിക്ഷിക്കപ്പെട്ട ബിജെപി പ്രവര്‍ത്തകരായ രണ്ട് പ്രതികളുടെ ജീവപര്യന്തം ശിക്ഷ ഹൈക്കോടതി ശരിവച്ചു. വിചാരണക്കോടതിയുടെ ശിക്ഷാവിധിക്കെതിരെ രണ്ട് പ്രതികളും സമര്‍പ്പിച്ച അപ്പീല്‍ ഹര്‍ജികള്‍ ജസ്റ്റിസുമാരായ എ എം ഷെഫീഖ്, എന്‍ അനില്‍കുമാര്‍ എന്നിവരടങ്ങുന്ന ഡിവിഷന്‍ ബെഞ്ച് തള്ളി. ജീവപര്യന്തം തടവിനു പുറമെ 50,000 രൂപവീതം പിഴയൊടുക്കാനും പിഴസംഖ്യയില്‍നിന്ന് മാഹിന്റെ പിതാവിനും ഭാര്യക്കും നഷ്ടപരിഹാരം നല്‍കാനുമായിരുന്നു വിചാരണക്കോടതി വിധി.
2006 ഡിസംബര്‍ 16നാണ് പോട്ടയിലെ സ്വകാര്യ ആശുപത്രിയില്‍ ചികിത്സയിലായിരുന്ന മാഹിനെ ബിജെപി സംഘം വാതില്‍ ചവിട്ടിപ്പൊളിച്ച് വെട്ടിക്കൊന്നത്. ദൃക്‌സാക്ഷി മൊഴികള്‍ പ്രതികള്‍ കുറ്റകൃത്യം ചെയ്തതിന് മതിയായ തെളിവാണെന്നും വിചാരണക്കോടതിവിധിയില്‍ ഇടപെടാന്‍ കാരണങ്ങളില്ലെന്നും ഡിവിഷന്‍ ബെഞ്ച് വ്യക്തമാക്കി.
https://www.facebook.com/Malayalivartha
