കൊച്ചിയില്‍ നടിയെ ആക്രമിച്ച കേസില്‍ ജയിലില്‍ കഴിയുന്ന ദീലീപിനെ കാണാന്‍ മീനാക്ഷിയും കാവ്യമാധവനും എത്തി. അതിരഹസ്യമായാണ് ഇവര്‍ എത്തിയതെങ്കിലും മാധ്യമങ്ങളുടെ കണ്ണുവെട്ടിക്കാനായില്ല. കാവ്യയുടെ അച്ഛന്‍ മാധവും ജയിലെത്തിയിരുന്നു. കാവ്യ മീനാക്ഷി ദിലീപ് കൂടിക്കാഴ്ച 25 മിനുട്ടോളം നീണ്ടു.

പള്‍സര്‍ സുനി മാഡം എന്നു പറഞ്ഞതിനെ പറ്റി എന്താണ് കാവ്യയ്ക്ക് പറയാനുള്ളതെന്ന് ചോദ്യമുണ്ടായങ്കിലും കാവ്യ ഒന്നും മിണ്ടിയില്ല. തൊഴുതു കാണിക്കുക മാത്രമാണ് ഉണ്ടായത്. അച്ഛനെ കണ്ടോ എന്തു പറഞ്ഞു എന്ന് മീനാക്ഷിയോട് ചോദ്യമുണ്ടായെങ്കിലും ഒന്നും പറഞ്ഞില്ല. വൈകുന്നേരം നാലരയോടയാണ് ഇവരുടെ സന്ദര്‍ശനം ഉണ്ടായത്. ജൂലൈ 10 ന് ദിലീപ് അറസ്റ്റിലായ ശേഷം ഇന്നാണ് ഇവര്‍ കാണുന്നത്.

അതിനുമുമ്പ് നാദിര്‍ഷയും ജയിലില്‍ എത്തിയിരുന്നു. മൂന്നു മണിയോടെയാണ് നാദിര്‍ഷ ആലുവ ജയിലിലെത്തി ദിലീപുമായി കൂടിക്കാഴ്ച നടത്തിയത്. ഇതും അരമണിക്കൂറോളം നീണ്ടു. നാദിര്‍ഷ മടങ്ങി 10 മിനുട്ടു കഴിഞ്ഞതോടെ കാവ്യയെത്തി. ഇരുപത്തിയഞ്ചു മിനുട്ടോളം കഴിഞ്ഞാണ് ഇവര്‍ തിരിച്ചിറങ്ങിയത്. മാധവനായിരുന്നു ആദ്യം തിരിച്ചിറങ്ങിയത്. രണ്ടാമതായി മീനാക്ഷിയെത്തി. അച്ഛനെ കണ്ടോ എന്നു ചോദിക്കുന്നതിനിടെ പിന്നാലെ ഭാവവ്യത്യാസമൊന്നുമില്ലാതെ കാവ്യയും ഗേറ്റു കടന്നു വന്നു. എന്നാല്‍ ഇവരാരും പ്രതികരിക്കാതെ കാറു ലക്ഷ്യമാക്കി ധൃതിയില്‍ മടങ്ങുകയായിരുന്നു.

ദിലീപിനെ കണ്ടോ? ദിലീപ് എന്തുപറഞ്ഞു? പള്‍സര്‍ സുനി മാഡം കാവ്യയാണന്നാണ് പറയുന്നത്, കാവ്യ എന്തു പറയുന്നു? റിപ്പോര്‍ട്ടറുടെ ആവര്‍ത്തിച്ചുള്ള ചോദ്യങ്ങള്‍ക്ക് ചിരിമാത്രമായിരുന്നു കാവ്യയുടെ മറുപടി. കൈകൂപ്പിക്കൊണ്ട് അവര്‍ ചോദ്യത്തില്‍ നിന്ന് ഒഴിഞ്ഞു.

അതേസമയം പുതിയ തെളിവുകളുടേയും വെളിപ്പടുത്തലുകളുടേയും പശ്ചാത്തലത്തില്‍ കാവ്യയും സംശയത്തിന്റെ നിഴലിലാണെന്നാണ് അറിയുന്നത്. ഓണത്തിനു ശേഷം കാവ്യമാധവനെ വീണ്ടും പൊലീസ് ചോദ്യം ചെയ്യുമെന്നും അറിയുന്നു.