കുടുംബ വഴക്കിനിടെ തുടർന്ന് അച്ഛന്റെ വെട്ടേറ്റ മകൻ മരിച്ചു. തൃത്താല വട്ടോളി കുഴിക്കാട്ടിരിയിൽ മേലേതിൽ മുഹാരി (55)യാണ് മകൻ റിയാസി (30)നെ വെട്ടിക്കൊന്നത്. ഇന്നലെ രാത്രി 12 മണിയോടെയായിരുന്നു സംഭവം. മദ്യപിച്ചെത്തിയ ഇരുവരും വഴക്കിടുകയായിരുന്നു. ഇതിനിടെയാണ് മുഹാരി റിയാസിനെ വെട്ടിയത്.

റിയാസിന്റെ കാലിനാണ് വെട്ടേറ്റതെങ്കിലും മദ്യ ലഹരിയിലായതിനാൽ മുറിവ് കാര്യമായി എടുത്തില്ല. തർക്കത്തിനൊടുവിൽ രണ്ടു പേരും അവശരായി കിടന്ന് ഉറങ്ങി. എന്നാൽ, കാലിൽ നിന്ന് രക്തം വാർന്നൊഴുകിയ റിയാസ് പുലർച്ചെയായപ്പോൾ മരിക്കുകയായിരുന്നു.

സംഭവത്തെത്തുടർന്ന് മുഹാരി ഒളിവിലാണ്. ഇരുവരും തമ്മിൽ സ്ഥിരമായി വഴക്കിടാറുണ്ടായിരുന്നതിനാൽ വീട്ടിലെ മറ്റുള്ളവരും കാര്യമായെടുത്തില്ല. പാചക തൊഴിലാളിയാണ് റിയാസ്. ഭാര്യയും രണ്ടു മക്കളുമുണ്ട്. പട്ടാമ്പി പൊലീസ് കേസെടുത്ത് അന്വേഷണം തുടങ്ങി.