പിതാവിന്റെയും സഹോദരന്റെയും കണ്മുന്നില് ബാലന് ട്രെയില് തട്ടി മരിച്ചു
ആലപ്പുഴ ആര്യാട് പഞ്ചായത്ത് 16ാം വാര്ഡില് െകെമാപറമ്പില് അനീഷിന്റെ മകനും ചെട്ടികാട് എസ്.സി.എം. വി.ഗവ.യു.പി. സ്കൂളിലെ അഞ്ചാംക്ലാസ് വിദ്യാര്ഥിയുമായ ആകാശാ(11)ണു മരിച്ചത്.
ഇന്നലെ രാവിലെ 10.30ന് തുമ്പോളി റെയില്വേ സ്റ്റേഷനു സമീപത്തെ പ്ളാറ്റ്ഫോം മുറിച്ചുകടക്കുന്നതിനിടെയാണ് അപകടം. ആദ്യം അനീഷും ആദര്ശും കുറുകെക്കടന്നു. തുടര്ന്ന്, ഉയരത്തിലുള്ള പ്ളാറ്റ്ഫോം ആകാശ് കടക്കുന്നതിനിടെ കുട്ടിയുടെ ചെരുപ്പ് താഴെ വീണു. ചെരുപ്പെടുത്ത ശേഷം പ്ളാറ്റ് ഫോമിനു താഴെയുള്ള കല്ലില് ചവിട്ടി അനീഷിന്റെ കൈയില് പിടിച്ച് ആകാശ് മുകളിലേക്കു കയറാന് ശ്രമിച്ചു.
ഇതിനിടെ, കൈവിട്ടു പാളത്തിലേക്കു വീഴുകയായിരുന്നു. പാളത്തിനും പ്ലാറ്റ്ഫോമിനും ഇടയില്പ്പെട്ട ആകാശിനെ തിരുവനന്തപുരത്തേക്ക് പോകുകയായിരുന്ന നിസാമുദീന് എക്സപ്രസ് ട്രെയിന് തട്ടുകയായിരുന്നു. മാതാവ്: സിജ. സംസ്കാരം നടത്തി.
https://www.facebook.com/Malayalivartha
