കെഎസ്ആര്ടിസി ബസുകളുടെ ബോഡി നിര്മാണത്തിനു പുറംകരാര് നല്കാന് തീരുമാനം
കെഎസ്ആര്ടിസി ബസുകളുടെ ബോഡി നിര്മാണത്തിനു പുറംകരാര് നല്കാന് തീരുമാനം. ആദ്യഘട്ടത്തില് 100 ബസുകളുടെ ബോഡി നിര്മിക്കാന് കെഎസ്ആര്ടിസി ടെന്ഡര് വിളിച്ചു. 18ന് അകം ടെന്ഡര് സമര്പ്പിക്കണമെന്നാണു നിര്ദേശം. നിലവില് കെഎസ്ആര്ടിസിക്കു പാപ്പനംകോട്, മാവേലിക്കര, ആലുവ, എടപ്പാള്, കോഴിക്കോട് എന്നിവിടങ്ങളില് ബസ് ബോഡി നിര്മാണ യൂണിറ്റുകളുണ്ട്. ഇവിടെയുള്ള കരാര് ജീവനക്കാരില് ഏതാനുംപേരെ ഈയിടെ പിരിച്ചുവിട്ടിരുന്നു.
എഴുനൂറോളം എംപാനല് ജീവനക്കാര് ഉള്പ്പെടെ മൂവായിരത്തോളം പേരാണു ബസ് ബോഡി നിര്മാണ യൂണിറ്റുകളില് ജോലിചെയ്യുന്നത്. ഇവ കനത്ത സാമ്പത്തിക ബാധ്യത വരുത്തിവയ്ക്കുന്ന സാഹചര്യത്തിലാണു പുറംകരാര് നല്കാന് മാനേജ്മെന്റ് തീരുമാനിച്ചത്.
ഒരു വര്ഷത്തേക്കാണു കരാര്. 80 ഫാസ്റ്റ് പാസഞ്ചര് ബസുകളും 20 സൂപ്പര്ഫാസ്റ്റ് ബസുകളും നിര്മിക്കാനാണു കരാര് ക്ഷണിച്ചിരിക്കുന്നത്.
https://www.facebook.com/Malayalivartha
