അഡന്‍സ് വണ്‍ലി പടങ്ങളില്‍ അഭിനയിച്ചു നാല് കാശ് സമ്പാദിച്ച് നല്‍കിയ വീട്ടുകാര്‍ തന്നെ അവസാനം തന്നെ തള്ളിപ്പറഞ്ഞതായി ഷക്കീല. ഇരുപത് വര്‍ഷം സിനിമയില്‍ സജീവമായി ഉണ്ടായിരുന്നു. കുറേ ഏറെ സമ്പാദിച്ചു. എന്നാല്‍ ഇപ്പോള്‍ വാടക വീട്ടിലാണ് താമസം. മാസം പതിനായിരം രൂപയാണ് വാടക.

വാടക കൊടുക്കാനുള്ള പണം ഞാന്‍ സമ്പാദിക്കുന്നത് തെറ്റായ വഴിയിലൂടെയല്ല. തെറ്റായ വഴിക്ക് പണം സമ്പാദിക്കാന്‍ ഒരിക്കലും ശ്രമിച്ചിട്ടില്ല. അങ്ങനെ ജീവിക്കേണ്ട ഗതികേട് എനിക്കുണ്ടായിട്ടില്ല. തെറ്റായ വഴിയ്ക്ക് സഞ്ചരിച്ചിരുന്നുവെങ്കില്‍ എന്റെ അക്കൗണ്ടുകളില്‍ കോടികളുണ്ടാവുമായിരുന്നു. എന്നാല്‍ എനിക്കിപ്പോള്‍ ആയിരും രൂപ പോലും സമ്പാദ്യമായി ഇല്ല എന്നതാണ് സത്യം.

തിരക്കുള്ള സമയത്ത് സമ്പാദിച്ച പണമെല്ലാം അമ്മയെ ഏല്‍പിച്ചു. അമ്മ ചേച്ചിയ്ക്ക് കൊടുത്തു. പണമെല്ലാം സ്വന്തം എക്കൌണ്ടില്‍ നിക്ഷേപിച്ച ചേച്ചി കോടീശ്വരിയായി. വീട്ടില്‍ നിന്ന് പുറത്തായി ചേച്ചിയുടെ പ്രവൃത്തി എന്നെ മാനസികമായി തളര്‍ത്തി. സ്വന്തം വീട്ടുകാര്‍ പോലും ഒറ്റപ്പെടുത്തി. എന്റെ കഷ്ടപ്പാടിന്റെ ഫലം അനുഭവിച്ചവര്‍ പോലും എന്നെ തള്ളിപ്പറഞ്ഞു. ഞാന്‍ അഭിനയിച്ചുണ്ടാക്കിയ കാശുകൊണ്ട് കോടീശ്വരിയായ എന്റെ ചേച്ചിയുടെ പ്രവര്‍ത്തി മാനസികമായി എന്നെ വല്ലാതെ തളര്‍ത്തി.ചേച്ചിയുടെ മകളുടെ കല്യാണം എന്നെ അറിയിച്ചതു പോലുമില്ല. മംഗള കര്‍മ്മങ്ങളില്‍ ഒരു സെക്‌സ് നടിയുടെ സാനിദ്ധ്യം അപശകുനമാണെന്ന് ചേച്ചി മുഖത്ത് നോക്കി പറഞ്ഞു. കുറച്ച് ഗ്ലാമര്‍ സിനിമകളില്‍ അഭിനയിച്ചതിന്റെ പേരിലാണ് ഈ അയിത്തം. ഞാനിപ്പോള്‍ കരയാറില്ല. ഈ ജന്മം ഇങ്ങനെയങ്ങ് നരകിച്ചു തീര്‍ക്കുകയാണെന്നും ഷക്കീല പറയുന്നു. ഇപ്പോള്‍ തമിഴിലും മലയാളത്തിലുമായി മുഖ്യധാര സിനിമകളില്‍ ഷക്കീല സജീവമാണ്. തന്നെ ചതിച്ചവര്‍ സുഖമായിരിക്കട്ടെ എന്നും ഷക്കീല പറയുന്നു.

അധികം സമ്പത്തൊന്നും ഒരു കാലത്തും മോഹിച്ചിട്ടില്ല. ഇന്നുവരെ തെറ്റായ മാര്‍ഗങ്ങളില്‍ പണം സമ്പാദിക്കാന്‍ തുനിഞ്ഞിട്ടില്ല. അങ്ങനെ ജീവിക്കേണ്ട ഗതികേട് ഇപ്പോഴും തനിക്കില്ലെന്നും ഷക്കീല അഭിമാനത്തോടെ പറയുന്നു. അറിയുമോ ഇരുപതു വര്‍ഷമായി ഞാന്‍ സിനിമയിലുണ്ട്. പക്ഷേ, ഇപ്പോഴും വാടകക്കാരിയാണ്. വീടിന് പതിനായിരം രൂപയാണ് വാടക. ഇതുവരെ കൃത്യമായി വാടക കൊടുക്കാന്‍ കഴിഞ്ഞു, തെറ്റായ വഴികളിലൂടെ സഞ്ചരിക്കാതെതന്നെ. ഇപ്പോള്‍ നാല്‍പത്തിമൂന്നു വയസായി. മറ്റു മാര്‍ഗങ്ങളില്‍ നാലു കാശ് സമ്പാദിച്ചിരുന്നുവെങ്കില്‍ അക്കൗണ്ടില്‍ കോടികള്‍ ഉണ്ടാവുമായിരുന്നു. ഒരു പുരുഷനും മോശമായി എന്നെ സമീപിക്കാന്‍ കഴിയില്ലെന്നും ഷക്കീല പറഞ്ഞു.

സത്യസന്ധമായി പറഞ്ഞാല്‍ എനിക്ക് 1000 രൂപ പോലും സമ്പാദ്യമില്ല. തിരക്കുള്ള സമയത്തു പോലും അഭിനയിക്കുക അതിന് കിട്ടിയ ചെക്കുകള്‍ അമ്മയെ ഏല്‍പ്പിക്കുക അതില്‍ കവിഞ്ഞൊന്നും ചിന്തിച്ചിരുന്നില്ല. അമ്മ പണം ചേച്ചിയെ ഏല്‍പിക്കും. അവര്‍ പണമെല്ലാം സ്വന്തം അക്കൗണ്ടില്‍ നിക്ഷേപിച്ചു. ചേച്ചി ഇപ്പോള്‍ കോടീശ്വരിയാണ്. ഷക്കീല പറയുന്നു. ഇരുപത് പേരെയെങ്കിലും ഞാന്‍ പ്രണയിച്ചു. വിവാഹം എന്ന ലക്ഷ്യത്തോടെയായിരുന്നു ഞാന്‍ ആ ബന്ധങ്ങള്‍ കണ്ടത്. പക്ഷേ വിധി എല്ലാം മാറ്റി മറിച്ചു. പ്രണയ ബന്ധങ്ങളെല്ലാം പരാജയമായിരുന്നു. ഒരു പുതിയ പ്രണയത്തിനായി ഞാന്‍ ഇപ്പോഴും കാത്തിരിക്കുകയാണ്.

ചെറിയ ചെറിയ സാമൂഹ്യ പ്രവര്‍ത്തനങ്ങളിലൂടെയും മറ്റും ഷക്കീല മടങ്ങിയെത്തിയിരിയ്ക്കുകയാണ്. തമിഴ്, തെലുങ്ക്, മലയാളം സിനിമകളില്‍ ഗ്ലാമറാകാതെ ചെറിയ ചില വേഷങ്ങളും ഷക്കീല ചെയ്യുന്നുണ്ട്. പക്ഷെ അത്തരം ചിത്രങ്ങളിലും പഴയ പേരുണ്ട്.