കയ്പമംഗലത്തും കടല് ഉള്വലിഞ്ഞു
അപൂര്വ്വ പ്രതിഭാസമോ അതോ. അപ്രതീക്ഷിതമായി ഉണ്ടാവുന്ന കടല് ഉള്വലിയല് കയ്പമംഗലം ഭാഗങ്ങളിലും. കഴിഞ്ഞ ദിവസം ചാമക്കാല ഭാഗങ്ങളില് കടല് ഉള്വലി!ഞ്ഞിരുന്നു. മുപ്പത് മീറ്ററോളം അകലേക്ക് തിര ഉള്വലിഞ്ഞു. മേഖലയില് മുന്കാലങ്ങളിലും പലപ്പോഴായി ഇതുപോലെ സംഭവിച്ചിരുന്നു.
പക്ഷേ, അത് കടലേറ്റത്തിന്റെ മുന്നോടിയായി ഉണ്ടായ മാറ്റമായിരുന്നു. എന്നാല് ഇപ്പോള് കാലവും മുന് അനുഭവങ്ങളുമൊക്കെ തെറ്റിച്ചാണ് പുതിയ പ്രതിഭാസം. ചെളി നിറഞ്ഞ കറുത്ത തിരയാണ് ഉണ്ടാവുന്നത്. വെള്ളം മാറി ചെളി മാത്രമായതോടെ ഈ ഭാഗത്ത് ചെറുമത്സ്യങ്ങള്, ഞണ്ടുകള്, കക്കകള് തുടങ്ങിയവ ചത്ത് അടിഞ്ഞിട്ടുണ്ട്.
കടല് കാണുന്നവര്ക്ക് അപൂര്വ കാഴ്ചയാണ് ഇപ്പോള്. സാധാരണ കടല് ഉള്വലിയല് മൂലം പ്രത്യേകിച്ച് അപകടങ്ങളൊന്നും ഉണ്ടാവാറില്ല.ഈ പ്രതിഭാസത്തെ മാട് വലിച്ചല് എന്നാണ് പഴമക്കാരായ മത്സ്യത്തൊഴിലാളികള് പറയുക. കയ്പമംഗലം കമ്പനിക്കടവില് ഇന്നലെ രാവിലെയും കടല് കാഴ്ച കാണാന് ഒട്ടേറെ പേര് എത്തിയിരുന്നു. ഈ സമയങ്ങളില് കടലില് വള്ളം ഇറക്കുവാന് വളരെ പ്രയാസമാണ്.
https://www.facebook.com/Malayalivartha
