ആര്ഭാടങ്ങളും, ആഘോഷങ്ങളുമില്ലാതെ കെ കെ ലതികയുടെ മകന്റെ വിവാഹം: ഏറ്റെടുത്ത് സോഷ്യല് മീഡിയ
ഇങ്ങനെയും കല്യാണം നടത്താം. ആര്ഭാടങ്ങളും ആഘോഷങ്ങളുമില്ലാതെ നടന്ന ഒരു വിവാഹമാണ് ഇന്ന് സോഷ്യല് മീഡിയ ഏറ്റെടുത്തിരിക്കുന്നത്. സിപിഐഎം കോഴിക്കോട് ജില്ലാ സെക്രട്ടറി മോഹനന്മാഷിന്റെയും, മുന് എംഎല്എ കെ കെ ലതികയുടെയും ഇളമകന് ഉണ്ണിയുടെ വിവാഹമാണ് ആഘോഷങ്ങളും, ആരവങ്ങളുമില്ലാതെ ലളിതമായി നടന്നത്. ഇക്കാര്യം കെകെ ലതിക തന്നെയാണ് സമൂഹമാധ്യമങ്ങളില് പങ്കുവെച്ചത്.
ഞങ്ങളുടെ ഉണ്ണിയുടെ( ഇളയമകന്റെ) വിവാഹം കഴിഞ്ഞു ഒരു ചടങ്ങും ഇല്ലാതെ ഇഷ്ടപ്പെട്ട രണ്ടു പേരും ഒന്നിച്ചു ജീവിക്കാന് തുടങ്ങി എന്ന ചെറിയ കുറിപ്പോടുകൂടിയാണ് മകന്റെ വിവാഹവാര്ത്ത കെ കെ ലതിക പങ്കുവെച്ചിരിക്കുന്നത്.
ആദര്ശങ്ങള് പറയുമ്പോഴും അവ പ്രാബല്യത്തിലാക്കാന് ശ്രമിക്കാത്തവരുടെ നാട്ടില് മാതൃകയായിരിക്കുകയാണ് ഈ കുടുംബം. മകളുടെ വിവാഹം ആഡംബരപൂര്വ്വം നടത്തിയ സിപിഐ എംഎല്എ ഗീത ഗോപിയ്ക്കെതിരെ സമൂഹമാധ്യമങ്ങളിലടക്കം രൂക്ഷ വിമര്ശനം ഉയര്ന്നിരുന്നു.
ഗീതാ ഗോപി എംഎല്എയുടെ മകളുടെ ആഡംബര വിവാഹം സോഷ്യല് മീഡിയയില് വലിയ വിവാദത്തിന് വഴി തുറന്നിരുന്നു. ആഡംബംരം ഒഴിവാക്കി വിവാഹങ്ങള് ലളിതമാക്കണമെന്ന ചര്ച്ച മുല്ലക്കര രത്നാകരന് എംഎല്എ നിയമസഭയില് ഉന്നയിക്കുന്നതിനിടെ ഡെസ്കിലടിച്ച് പിന്തുണ പ്രഖ്യാപിച്ച സിപിഐ നേതാവാണ് ഗീതാ ഗോപി.
എന്നാല് സ്വന്തം മകളുടെ വിവാഹത്തിലുണ്ടായ ആഡംബരമാണ് സോഷ്യല് മീഡിയയില് പരിഹാസത്തിന് വഴിയൊരുക്കിയത്. എന്നാല് ഈ വിവാദം അടങ്ങുന്നതിന് മുന്പ് തന്നെ ലളിത വിവാഹം നടത്തി മാതൃകയായിരിക്കുകയാണ് കെ കെ ലതികയും കുടുംബവും . തീരുമാനത്തെ അഭിനന്ദിച്ചും, പ്രശംസിച്ചും നിരവധി പേര് രംഗത്തെത്തി
.
https://www.facebook.com/Malayalivartha
