സോളാർ കമ്മീഷൻ റിപ്പോർട്ട് കത്തിക്കയറുമ്പോൾ സംസ്ഥാനത്തെ രാഷ്ട്രീയ കുതുകികൾ അന്വേഷിക്കുന്ന ഒരു പേരുണ്ട്. അത് മുൻ മന്ത്രി കെ.ബാബുവിന്റെ പേരാണ്. ചെന്നിത്തലയെ ഭയന്ന് കെ.ബാബുവിന്റെ സജക്ഷൻ അതേപടി സ്വീകരിച്ച ഉമ്മൻ ചാണ്ടിയെ യഥാർത്ഥത്തിൽ വലിപ്പിച്ചത് കെ.ബാബുവാണ്.

സരിതക്ക് കൊടുക്കാൻ ബാർ ഉടമകളിൽ നിന്നും പണം പിരിച്ചത് കെ ബാബുവാണെന്ന കാര്യം നാട്ടിൽ പാട്ടാണ്. താൻ തൃപ്പൂണിത്തുറയിൽ നിന്നും തോൽക്കാൻ കാരണം ഉമ്മൻ ചാണ്ടിയാണെന്ന് ബാബു കരുതുന്നു. ഈ പശ്ചാത്തലത്തിൽ സോളാർ കമ്മീഷൻ റിപ്പോർട്ടിൽ ഉമ്മൻ ചാണ്ടി പ്രതിയും ബാബു നിരപരാധിയുമായി തീർന്നതിനു പിന്നിൽ കെ.ബാബുവിന്റെ കരങ്ങൾ തീർച്ചയായും സംശയിക്കണം.

ബാബൂ പറഞ്ഞിരുന്നെങ്കിൽ ഉമ്മൻ ചാണ്ടിയെ ജസ്റ്റിസ് ശിവരാജൻ ഒഴിവാക്കുമായാരുന്നു. ജോസ് കെ.മാണിയുടെ പേര് റിപ്പോർട്ടിൽ വന്നതിനു പിന്നിലും ബാബുവിന്റെ കറുത്ത കരങ്ങളുണ്ട്. കെ.എം.മാണിയോടുള്ള ബാബുവിന്റെ നീരസമാണ് ജോസിന് വിനയായത്.

ആരോപണ വിധേയരുടെ പട്ടികയിൽ ബാബുവില്ല. അതേ സമയം അദ്ദേഹത്തിന്റെ ഒപ്പമുണ്ടായിരന്ന ബെന്നി ബഹനാന്റെ പേരുണ്ട്. ബെന്നിയുടെ പേരുള്ളപ്പോൾ ബാബുവിന്റെ പേര് എവിടെ പോയെന്ന് അന്വേഷിക്കുന്നവരുണ്ട്. അവരോട് ബെന്നിക്കും അന്വേഷണ സംഘത്തിനും മറുപടിയില്ല.

ജസ്റ്റിസ് ശിവരാജനെ സോളാർ കമ്മീഷനായി നിയമിച്ചത് കെ.ബാബുവാണ്. ഉമ്മൻ ചാണ്ടി പറയുന്നത് പോലെ എഴുതി കൊടുക്കുന്ന ഒരാൾ എന്ന നിലയിലാണ് ശിവരാജനെ കമ്മീഷനാക്കിയത്. കമ്മീഷനാക്കാൻ പലരുടെയും പേരുകൾ പരീക്ഷിച്ചിരുന്നു. എന്നാൽ എല്ലാവരെയും ഉമ്മൻ ചാണ്ടിക്ക് പേടിയായിരുന്നു. സിപിഎമ്മിനെക്കാൾ ചാണ്ടിക്ക് ഭയം രമേശ് ചെന്നിത്തലയെയായിരുന്നു.

അതിനാലാണ് ആദ്യം പരിഗണിച്ച ജസ്റ്റിസ് വി .പി .മോഹൻകുമാറിനെ ഒഴിവാക്കിയത്. ജസ്റ്റിസ് മോഹൻകുമാറിന്റെ ഭാര്യ കെ.കരുണാകരന്റെ വിശ്വസ്തനായിരുന്ന കോടോത്ത് ഗോവിന്ദൻ നായരുടെ ബന്ധുവാണ്. കോടോത്ത് വഴി രമേശ് ചെന്നിത്തലക്ക് മോഹൻകുമാറിനെ സ്വാധീനിക്കാൻ കഴിയുമെന്ന് ചാണ്ടി വിശ്വസിച്ചു.

കെ.ബാബു ,വിരമിച്ച പല ന്യായാധിപൻമാരെയും ഇത്തരത്തിൽ തന്ത്രപ്രധാന സ്ഥാനങ്ങളിൽ നിയമിച്ചിട്ടുണ്ട്. അവർക്കെല്ലാം ബാബുവിനോട് മാത്രമാണ് കടപ്പാട്. ബാബുവിന് തട്ടു കേട് ഉണ്ടാകാതിരിക്കാൻ അവർ ശ്രദ്ധിക്കും.

സോളാർ കേസ് കോടതിയിൽ തളളി പോകുമെന്ന് നിയമ വ്യത്തങ്ങൾക്കറിയാം. അങ്ങനെ തള്ളി പോയാലും ആരോപണ വിധേയനായ ഉമ്മൻ ചാണ്ടിയുടെ നില പരുങ്ങലിലാകും. ഉമ്മൻ ചാണ്ടിക്ക് അക്കാര്യമറിയാം. ശിവരാജൻ റിപ്പോർട്ടിൽ തന്റെ പേര് വരാതിരിക്കാൻ അദ്ദേഹം ശ്രദ്ധിക്കേണ്ടതായിരുന്നു. എന്നാൽ ബാബു അദ്ദേഹത്തെ സഹായിച്ചില്ല. റിപ്പോർട്ട് ഇങ്ങനെയായി തീരുമെന്ന് ബാബുവിന് അറിയാമായിരുന്നു എന്നാണ് വിവരം.

പലരെയും ഉമ്മൻ ചാണ്ടി തുലച്ചിട്ടുണ്ട്. ടെനി ജോപ്പനും ജിക്കുമോനും അവരിൽ ചിലരാണ്. സോളാർ റിപ്പേർട്ട് നിയമസഭയിൽ സമർപ്പിച്ച ദിവസം ഉമ്മൻ ചാണ്ടിയുടെ ശത്രുക്കൾക്ക് ആഘോഷ വേളയായിരുന്നു.