കോടതി ഉത്തരവ് നടപ്പാക്കാത്തതിനെ തുടര്‍ന്നു ജല അതോറിറ്റി എംഡി എ. ഷൈന മോള്‍ക്കെതിരെ ഹൈക്കോടതിയുടെ അറസ്റ്റ് വാറണ്ട്. ജല അതോറിറ്റിയുടെ കരാര്‍ ജോലിയേറ്റ കമ്പനിക്ക് ലേബര്‍ ചെലവ് പുതുക്കി നല്‍കാനുള്ള ഹൈക്കോടതി ഉത്തരവ് പാലിക്കാത്തതിനെ തുര്‍ന്നാണ് നടപടി. കമ്പനി നല്‍കിയ ഹര്‍ജിയിലാണ് കോടതി നടപടി.

കോടതിയില്‍ നേരിട്ടു ഹാജരാകുന്നതില്‍ നിന്ന് ഇളവ് അനുവദിക്കണമെന്ന് ആവശ്യപ്പെട്ട് ഷൈന മോള്‍ നല്‍കിയ ഹര്‍ജി ഹൈകോടതി തള്ളി. ഈ മാസം 15ന് മുന്‍പ് നേരിട്ടു ഹാജരാകണമെന്ന് കോടതി ഉത്തരവിട്ടു. ലേബര്‍ ചെലവ് പുതുക്കി നല്‍കാമെന്ന് കമ്പനിയുമായുള്ള കരാറില്‍ പറഞ്ഞിട്ടില്ലെന്ന് ചൂണ്ടിക്കാട്ടിയാണ് ജല അതോറിറ്റി ഈ ആവശ്യം നിരസിച്ചത്. ഇതേതുടര്‍ന്നാണ് കമ്പനി കോടതിയെ സമീപിച്ചത്