ആഡംബരകാറിന്റെ നികുതിവെട്ടിപ്പുമായി ബന്ധപ്പെട്ട് മോട്ടോര്വാഹന വകുപ്പ് നല്കിയ നോട്ടീസിന് നടി അമലാപോളിന്റെ മറുപടി
ആഡംബരകാറിന്റെ നികുതിവെട്ടിപ്പുമായി ബന്ധപ്പെട്ട് മോട്ടോര്വാഹന വകുപ്പ് അമലാപോളിന് നോട്ടീസ് നൽകി. എന്നാൽ പുതുച്ചേരിയില് രജിസ്റ്റര് ചെയ്ത കാറിന് കേരളത്തില് നികുതി അടയ്ക്കില്ലെന്നാണ് നടി പറയുന്നത്. ഇന്ത്യന് പൗരത്വമുള്ള തനിക്ക് ഇന്ത്യയിലെവിടെയും സ്വത്ത് സമ്പാദിക്കാമെന്ന് നേരത്തെ അമലാപോൾ തന്റെ ഫേസ്ബുക്ക് പേജിൽ കുറിച്ചിരുന്നു.
നികുതിവെട്ടിപ്പുമായി ബന്ധപ്പെട്ട് ഇത് രണ്ടാമത്തെ തവണയാണ് നടി പ്രതികരിക്കുന്നത്. സിനിമാ അഭിനയവുമായി ബന്ധപ്പെട്ട് വിവിധ സംസ്ഥാനങ്ങളില് സഞ്ചരിക്കുന്ന ആളായതിനാൽ കേരളത്തില് വാഹന നികുതി അടക്കാന് അതിനാല് ഉദ്ദേശിക്കുന്നില്ലെന്നും അമല അഭിഭാഷകന് മുഖേന മോട്ടോര്വാഹന വകുപ്പിന് മറുപടി നൽകി. എന്നാൽ പുതുച്ചേരിയില് വാഹന രജിസ്ട്രേഷന് നടത്തി നികുതി വെട്ടിപ്പ് നടത്തിയ സംഭവത്തില് നടി അമലപോളിന്റെ മറുപടി തൃപ്തികരമല്ലെന്നും നടപടി തുടരുമെന്നും മോട്ടോര് വാഹനവകുപ്പ് വ്യക്തമാക്കി. പുതുച്ചേരിയില് വ്യാജ വാടകക്കരാറുണ്ടാക്കിയാണ് നടി വാഹനം രജിസ്റ്റര് ചെയ്തതെന്നും തുടര് നടപടികളുമായി മുന്നോട്ടുപോകുമെന്നും എറണാകുളം ആര്ടിഒ പറഞ്ഞു.
പുതുച്ചേരിയിലെ എന്ജിനീയറിങ് വിദ്യാര്ത്ഥിയുടെ പേരിലാണ് അമലാപോളിന്റെ വാഹനം രജിസ്റ്റര് ചെയ്തത്. 20 ലക്ഷം രൂപയുടെ നികുതിയാണ് ഈ ക്രമക്കേടിലൂടെ സംസ്ഥാന സര്ക്കാരിന് നഷ്ടമായത്.
https://www.facebook.com/Malayalivartha
