മദ്യത്തിനു ലഹരി കൂട്ടാന്‍ മാരകമായ പല വസ്തുക്കളും മദ്യപാനികള്‍ ചേര്‍ക്കാറുണ്ട്. എന്നാല്‍ ഇപ്പോള്‍ യുവാക്കള്‍ മദ്യത്തിന്റെ കൂടെ ചേര്‍ക്കുന്നത് ആരെയും ഞെട്ടിപ്പിക്കും. മദ്യത്തിനൊപ്പം ലഹരികൂടാന്‍ യുവാക്കാള്‍ കഫ് സിറപ്പ് ഉപയോഗിക്കുന്നുണ്ട് എന്ന് പോലീസിന്റെ വെളിപ്പെടുത്തല്‍.

ചെട്ടികുളങ്ങരയില്‍ കാടുപിടിച്ച പുരയിടത്തില്‍ നടത്തിയ പരിശോധനയിലാണ് പോലീസ് നിരവധി കഫ്‌സിറപ്പ് കുപ്പികള്‍ കണ്ടെടുത്തത്. പോലീസ് എത്തിയതു കണ്ട് മദ്യപിച്ചു കൊണ്ടിരുന്ന യുവാക്കള്‍ ഓടി രക്ഷപെട്ടു.കുട്ടികളും മുതിര്‍ന്നവരും അലര്‍ജി, കഫകെട്ട്, ചുമ എന്നിവയ്ക്ക് ഉപയോഗിക്കുന്ന മരുന്നാണ് ഇവര്‍ മദ്യത്തിനൊപ്പം ലഹരികൂട്ടാനായി ഉപയോഗിച്ചിരുന്നത് എന്നു പറയുന്നു.