കോടതിലക്ഷ്യക്കേസിൽ വാട്ടർ അഥോറിറ്റി എംഡി ഷൈനമോൾക്കെതിരായ നടപടികൾ ഹൈക്കോടതി അവസാനിപ്പിച്ചു. ഷൈനമോൾ കോടതിയിൽ നേരിട്ടെത്തി മാപ്പപേക്ഷ നൽകിയിരുന്നു. ഇതേതുടർന്നാണ് ഷൈനമോൾക്കെതിരായ നടപടി അവസാനിപ്പിക്കാൻ കോടതി ഉത്തരവിട്ടത്. ഷൈനമോൾക്ക് എതിരായ അറസ്റ്റ് വാറണ്ട് തിരിച്ചുവിളിക്കാനും കോടതി ഉത്തരവിട്ടു.

ഈ മാസം 15ന് ഷൈനമോളെ അറസ്റ്റു ചെയ്തു ഹാജരാക്കാൻ കോടതി നേരത്തേ ഉത്തരവിട്ടിരുന്നു. കോടതിയലക്ഷ്യ ഹർജിയിൽ കോടതി ഉത്തരവ് പാലിക്കാത്തതിനെ തുടർന്നായിരുന്നു നടപടി.

ജലവിതരണ പദ്ധതിയുടെ കരാറുകാരായിരുന്ന ചെന്നൈയിലെ എൻജിനിയറിംഗ് പ്രോഡക്ട്സ് ഇന്ത്യ ലിമിറ്റഡിന് ചേംബർ ചെലവ് പുതുക്കി നിശ്ചയിച്ചു നൽകാൻ ഹൈക്കോടതി ഉത്തരവിട്ടിരുന്നു. ഇത് പാലിച്ചില്ലെന്ന് കാണിച്ച കമ്പനി നൽകിയ കോടതിയലക്ഷ്യ ഹർജിയിലായിരുന്നു ഷൈനമോളെ അറസ്റ്റു ചെയ്യാൻ കോടതി ഉത്തരവിട്ടത്.